كچێكی سعودی ٦ مەرجی قورس بۆ گرێبەستی هاوسەرگیرییەكەی دادەنێت

sharpress.net

2500 جار خوێندراوه‌ته‌وه

01/06/2019‌

شارپرێس:
دەزگاكانی راگەیاندنی سعوودییە باسیان لەوە كردووە، كە خانمێكی سعودی پێش مارەكردنی چەند مەرجێكی لەسەر هاوسەرەكەی داناوە ، پیاوەكەش بەهەموو مەرجەكان رازی بووە .

وەكو پۆزێكیش بەو مەرجانە ئافرەتە سعوودییەكە وێنەی گرێبەستی هاوسەرگیرییەكەی لە تۆڕی كۆمەڵایەتی بڵاوكردووەتەوە.

ئەو مەرجانەی ژنەكە دایناون ئەمانەن : 
ئەگەر بەبێ خواستی خۆی تەڵاق درا ئەوە نیو ملیۆن ڕیاڵ وەك قەرەبوو وەربگرێت 

خانوویەكی سەربەخۆی لە شاری ریازی پایتەخت بۆ دابین بكرێت 

كارگوزارێكی بۆ بگیرێت 

هەموو ئەو مافانەی یاسا پێیدەدات وەریان بگرێت 

بە كردار و گوفتار ئازاری نەدات 

ژنی بەسەردا نەهێنێ

ئەو خانمە سعودییە بەو هەنگاوەی هەڵڵای لەناو جەماوەری تۆرە كۆمەڵایەتییەكان ناوەتەوە ، بەوەی هەندێكیان پێیان وایە ئەوانە مەرجی ئاسایین‌و مافی ئافرەتەكەن ، لەكاتێكدا هەندێكی تر ئەوانە بە مەرجی قورس دەزانن .

دەستەی گشتی ئاماری سعودی ژمارەی ئەو  كچە سعوودییانەی تەمەنی ٣٢ ساڵییان تێپەراندووە و هێشتا شوویان نەكردووە نزیكەی ٢٢٧ هەزار كچە .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved