ئەمریكا سەپاندنی گەمارۆیەكی نوێ‌ بەسەر ئێران دوادەخات

sharpress.net

520 جار خوێندراوه‌ته‌وه

01/06/2019‌

شارپرێس:
ئیدارەی دۆناڵد ترامپی سەرۆكی ئەمەریكا بڕیاریدا سەپاندنی گوژمەیەكی تر گەمارۆ بەسەر ئێران و بەتایبەت بۆسەر كەرتی پەترۆكیمیایی ئەو وڵاتە دوا بخات .

رۆژنامەی "وۆڵ ستریت" لە سەرچاوەیەكی ئاگادارەوە باسی لەوە كردووە، كە ئیدارەی ترامپ نیازی ئەوەی هەبوو لە ناوەراستی مانگی ٥ گوژمەیەك گەمارۆی تر بخاتە سەر ئیران .

بەقسەی رۆژنامەكە دواخستنی سەپاندنی گەمارۆكان دوای هەڵكشانی گرژییەكانی نێوان ئێران و وڵاتە یەكگرتووەكانەوە بووە لەماوەی چەند هەفتەی رابردوو ، وە تۆمەتباركردنی تاران بەوەی لەپشت كارە تێكدەرانەكانی بەئامانجگرتنی كەشتییەكانی گواستنەوەی نەوت بووە لەكەناراوەكانی ئیمارات .

دوای نەوت پەترۆكیمیایی دووەم گەورەترین هەناردەی ئێران پێكدەهێنێت ، پێشتریش وەزارەتی گەنجینەی ئەمەریكا رایگەیاندبوو كە بەرنامەی ئەوەی هەیە گەمارۆ بخاتە سەر كەرتی پەترۆكیمیایی ئێران .

بەپێی رۆژنامە ئەمەریكییەكە ، ئەگەر بێت و ئەمەریكا سەپاندنی گەمارۆ بۆسەر كەرتی پەترۆكیمیایی ئێران بخاتە بواری جێبەجێكردنەوە ، ئەوە زیانێكی گەورە بە كەرتێكی ستراتیژی ئێران دەگەیەنێت و ئابووری ئێران ڕووبەڕووی قەیرانێكی تر دەكاتەوە .

وەرگێڕان: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved