پێشبینی ناوەندێكی گەردوونناسی بۆ یەكەم رۆژی جەژنی رەمەزان

sharpress.net

5042 جار خوێندراوه‌ته‌وه

03/06/2019‌

شارپرێس:
محەمەد عۆدە بەڕێوەبەری ناوەندی گەردوونناسی نێودەوڵەتی، بە بینینی مانگی شەوال لەسەرتاسەری جیهان، یەكەم رۆژی جەژنی رەمەزان دیاری دەكرێت.

ئەو راشیگەیاند، دامەزراوەكانی فەلەكی و پسپۆڕەكان لە بینینی مانگ، بەیاننامەیەكی هاوبەشیان دەركردووە، كە خۆی لە بۆچوونی فەلەكی تایبەت بەسەرەتاكانی مانگە كۆچییەكان دەبینێتەوە.

ئەوانەی بەیاننامەكەیان تایبەت‌ بە دۆخی بینینی مانگی شەوال (جەژن) بۆ ساڵی 1440 كۆچی دەركردووە، بریتین لە 30 پسپۆڕ لە 14 وڵاتدا.

ناوەندەكە روونیكردووەتەوە لە زۆربەی وڵاتانی جیهانی ئیسلامی مانگی رەمەزان لە رۆژی دووشەممە 6 ئایار دەستی پێكردووە و رۆژی دووشەممە بەدوای بینینی مانگی شەوالدا دەگەڕێن.

بەڵام بەڕێوەبەری ناوەندی فەلەكناسی نێودەوڵەتی رایگەیاندووە، سەرجەم دامەزراوە فەلەكییەكان و پسپۆڕان كۆدەنگن لەسەر ئەوەی  مانگ لە رۆژی دووشەممە نابینرێت بەسەرجەم ئامرازەكانەوە لە كیشوەرەكانی ئوسترالیا و ئاسیاو ئەفریقیاو ئەوروپا، بەمەش چوار شەممە دەبێتە یەكەم رۆژی جەژن بە گوێرەی فەلەكناسی.

ناوبراو ئەوەشی دووپاتكردەوە، ناوەندی فەلەكەناسی نێودەوڵەتی رێگە پێنەدراوە بە شێوەیەكی فەرمی جەژن رابگەیەنێت و كاری ناوەندەكە ئەوەیە بابەتەكە لە رووی فەلەكناسییەوە باس بكات و راستییە زانستیەكان دەربارەی بینینی مانگ روون بكاتەوە.

جەختی لەوەش كردووەتەوە، كە دووشەممە مانگ نابینرێ لە زۆربەی وڵاتانی عەرەبی، دوای ئاوا بوونی خۆر بە دوو خولەك، ئەمەش وا دەكات كاری بینینی مانگ دوای ئاوابوون ئاستەم بێت و دەخرێتە رۆژی سێ شەممە.

عۆدە روونیكردەوە رۆژئاوای كیشوەری ئەمەریكای باكوور، تاكە شوێنە لە جیهاندا رۆژی دووشەممە مانگی تێدا ببینرێت، بەمەش لەرووی فەلەكناسییەوە لەو ناوچەیە رۆژی سێ شەممە دەبێتە جەژن.

هەروەها رایگەیاندووە، وڵاتێكی وەك توركیا رۆژی سێ شەممە دەكاتە جەژن، بەهۆی حساباتە فەلەكیەكانەوە، بەوەی دەكرێ مانگ لە سوچێكی ئەم جیهانە ببینرێ.

سەرچاوە: سكای نیوز عربیە
وەرگێڕان: حلمی رەسوڵ رەزا





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved