بەریتانیا لەبارەی كۆمپانیای هواوی گوێ‌ لە داواكارییەكانی ئەمریكا دەگرێت

sharpress.net

239 جار خوێندراوه‌ته‌وه

04/06/2019‌

شارپرێس:
جیریمی هینت وەزیری دەرەوەی بەریتانیا رایگەیاند، وڵاتەكەی بەگرنگییەوە گوێ لەو شتانە دەگرێت كە وڵاتە یەكگرتووەكانی ئەمەریكا سەبارەت بەمەترسییەكانی بەكارهێنانی تۆرەكانی نەوەی پێنجەمی پەیوەندییەكان باسیان دەكات، كە كۆمپانیای هوای بنیاتیان دەنێت ، كە بەریتانیا حەز ناكات بۆ تەكنیكەكانی تەكنەلۆژیایەكی دیاریكراو بەشێوەیەكی زیادەڕەوییانە پشت بە دەوڵەتی سێیەم ببەستێت .

هینت بە رادیۆی "بی بی سی" بەریتانی راگەیاندووە، سەبارەت بەو بابەتانە بە وردی گوێ لەو شتانە دەگرین كە وڵاتە یەكگرتووەكان دەیڵێت ".

دوای ئەوەی ئیدارەی دۆناڵد ترامپ گەمارۆی بەسەر كۆمپانیای هواوی چینیدا سەپاند و رێگەی نەدا دەستیان بگات بە تەكنەلۆژیای ئەمەریكی ، لەهەمان كاتیشدا واشنتۆن داوای لە هاوپەیمانەكانی كرد كە ئەو ئامێر و كەلوپەلانەی تایبەتن بە تەكنەلۆژیای نەوەی پێنجەم كە هاوای پێشكەشیان دەكات بەكارنەهێنن ، ئەوەی بەپاساوی ئەوەی رەنگە چین ئەو تۆرانە بۆ كاری سیخوڕی بەسەر نەیارەكانییەوە بەكاربهێنێت .

وەزیری دەرەوەی بەریتانیا راشیگەیاند، ئێستا بریاری كۆتاییمان نەداوە ، بەلام پیمان گوتوون كە بابەتە تەكنیكییەكان تاووتوێ دەكەین ، واتا چۆن دەستەبەری ئەوە بكەین كە دەرگایەك لە پشتەوە هەبێت ریگە بە دەوڵەتی سێیەم بدات تۆرەكانی نەوەی پێنجەم بۆكاری سیخوڕی لەسەرمان بەكاربهێنێت ، هەروەك دەستەبەری ئەوە بكەین لەڕووی تەكنیكییەوە بەشێوەیەكی زیادەڕەوانە پشت نەبەستین بە دەوڵەتی سێیەم ".

وەرگێران : ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved