تەنوورەیەكی كورتی كچە پارێزەرێك دادوەرێك لەكارەكەی دوور دەخاتەوە

sharpress.net

7298 جار خوێندراوه‌ته‌وه

05/06/2019‌

شارپرێس:
ئەنجوومەنی دادوەری‌و داواكاری گشتی لە توركیا رایانگەیاند، لە شاری ئیستەنبوڵ و بەشێوەیەكی كاتی دادوەڕیێكیان لەكاركردن راگرتووە لەبەر ئەوەی لەكاتی دانیشتنی دادگادا و بەهۆی كورتی تەنوورەكەیەوە رەخنەی لە كچە پارێزرێك گرتووە .

رۆژنامەی "حوڕییەت" باسی لەوە كردووە، كە دادوەر محەمەد یۆیڵو سەندیكای پارێزەرانی ئاگاداركردووەتەوە، كە كچە پارێزەر توجی چەتین تەنوورەی زۆر نەشیاو دەپۆشێت .

دادوەرەكە لەگازندەنامەكەیدا رایگەیاندووە، ئەو كچە پارێزەرە تەنوورەكەی ١٥ سم لەسەرووی ئەژنۆیەتی و هاوڕێ پارێزەرەكانی پێی نیگەرانن .

دوای بڵاوبوونەوەی چیرۆكەكە ، كۆمەڵێك پارێزەر لەبەردەم هۆڵی گوێگرتنی یەكێك لەدادگاكانی ئیستەنبوڵ گردبوونەوە، كە یۆیڵو لەوێ كاری دادوەری لێدەكات ، تێیدا نارەزایەتییان لەبەرانبەر ئەو هەڵسوكەوتەی دادوەرەكە دەربڕی ، ئەوەش پێش ئەوەی بچنە ناو هۆڵەكە و دروشمی " ژنان چاوەڕێن پۆزشیان بۆ بهێنییەوە" ، بڵێنەوە.

سەرۆكی سەندیكای پارێزەرانی ئیستەنبوڵ بە دادوەرەكەی گوتووە دەبێت پۆزش بهێنییەوە ، بەڵام دادوەرەكە بەخێرایی دادگاكەی جێهێشتووە.

لەسەر ڕووداوەكەش عەبدول حەمید گوڵ وەزیری دادی توركی وتوویەتی: رووداوەكە جێگەی داخە و شتێكی نایاساییە .

هەروەك گوڵ وتوویەتی: دادوەرێك بە ٣٠ ساڵ ئەزموونەوە دەبوو پێشەنگی خەڵكی تر بێت و لەجیاتی ئەوەی چاوی لەسەر جلوبەرگی پاریزەرەكە بێت دەبوو گرنگی بە بابەتە یاساییەكان بدات .

سەرۆكی سەندیكای پارێزەرانی ئیستەنبوڵیش گوتوویەتی لێكۆڵینەوە لە دۆسیەكە كراوە و دادوەرەكەش  بەشێوەیەكی كاتی لە كاركردن راگیراوە.

وەرگێران: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved