لەكاتی وێنەگرتنی فلیمی جەیمس بۆنددا تەقینەوەیەك ستۆدیۆكە دەهەژێنێت

sharpress.net

296 جار خوێندراوه‌ته‌وه

08/06/2019‌

شارپرێس:
ستۆدیۆی Pinewood ، كە كاری وێنەگرتن بۆ بەشی ٢٥ ی فلیمی جەیمس بۆندی تێدا دەكرێت رووبەڕووی تەقینەوەیەكی توند بووەوە.

پێگەی فەرمی تیمی دەرهێنانی فلیمەكە لە پێگەی تویتەر باسیان لەوە كردووە تەقینەوەكە بووەتە هۆی وێرانكردنی پەردەكان و یەكێك لە ئەندامانی تیمی وێنەگرتنیشی بەسووكی بریندار كردووە .

بەشی یەكەمی فلیمی سینەمایی سیخوڕ ٠٠٧ جەیمس بۆند بەناونیشانی Dr. No لەساڵی ١٩٦٢ لە بەریتانیا و جیهان نمایش كرا ، چاوەڕێش دەكرێت بەشی ٢٥ كە هێشتا ناونەنراوە لەساڵی ٢٠٢٠ نمایش بكرێت .

دەرهێنەری فلیمەكە "كاری فۆكۆناگا" ئاشكرایكردووە، كە هەریەك لە ڕاڵف فینیس و نعۆمی هاریس و رۆری كینیر لە بەشی نوێی ئەو فلیمە بەناوبانگەدا بەشدار دەبن .

هەروەك دەزگاكانی راگەیاندن باسیان لەوە كردووە، كە ئەكتەری میسری-ئەمەریكی  رامی مالیك خەریكی ئامادەكارییە بۆ چوونە ناو زنجیرەی هۆڵیوود "جەیمس بۆند"  و تێیدا رۆڵی "پیاوە خراپەكە" بگێڕێت .

وەرگێران : ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved