رێگاى ئاسایی بۆ فرۆشتن نەوت نەماوە.. چین و ئیتاڵیاو یۆنان بۆ کرێنى نەوت وەڵامى پەیوەندیەکانى ئێران نادەنەوە

sharpress.net

528 جار خوێندراوه‌ته‌وه

08/06/2019‌

شارپرێس:

وەزیرى نەوتى ئێران رایدەگەیەنێت،لە مانگی ڕابردوودا چین هیچ نەوتێکی لە ئێران نەکڕیوە و یۆنان و ئیتاڵیاش وه‌ڵامی تەلەفۆنی بەرپرسانی وەزارەتی نەوتی ئێران نادەنەوە.

 

بێژه‌ن زه‌نگه‌نه‌، وەزیری نەوتی ئێران بە ئاژانسى فەرمى وڵاتەکەى رایگەیاندوە، لە مانگی ڕابردوودا چین هیچ نەوتێکی لە ئێران نەکڕیوە و یۆنان و ئیتاڵیاش وه‌ڵامی تەلەفۆنی بەرپرسانی وەزارەتی نەوتی ئێران نادەنەوە.

 

زەکەنەکە راشیگەیاندوە"گەمارۆکانی ئەمجارەی ئەمریکا جیاوازییەکی زۆری لەگەڵ گەمارۆکانی ڕابردوو هه‌یه،  رایگەیاند ئەمریکا دەیەوێ سەرجەم رێگاکانی فرۆشتنی نەوت لە ئێران بگرێت و ئێرانیش هەوڵدەدات رێگای نوێ بۆ فرۆشتنی نەوتەکەی بدۆزێتەوە".

وەزیرى نەوتى ئێران جەختیکردوەتەوە لەئێستادا هیچ رێگایەکى ئاسایی نەماوە بۆ فرۆشتنى نەوتى وڵاتەکەو فرۆشتنى نەوتیش بەرێگاى قاچاخ بە کارێکى قورس دەزانێت.

س.هـ





ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved