بەخێر بێی بۆ بۆشایی ئاسمان.. بلیتێك بە ٥٨ ملیۆن دۆلارە

sharpress.net

286 جار خوێندراوه‌ته‌وه

10/06/2019‌

شارپرێس: 
رۆژی هەینی ناسا رایگەیاند، وێستگەی بۆشایی ئاسمانی نێودەوڵەتی لەبەردەم كەشتیوانە ئاسمانییە سەربەخۆكاندا دەكاتەوە ، پێدەچێت یەكەم گەشتیش ساڵی داهاتوو ئەنجام بدرێت .

بلیتی هاتن و چوون دگاتە ٥٨ ملیۆن دۆلار ، هەروەك خەرجی یەك شەو مانەوەش لەوێستگەكە ٣٥ هەزار دۆلار دەبێت لە گەشتێكدا كە ٣٠ رۆژ دەخایەنێت .

ئاژانسەكە باسی لەوە كردووە تاوەكو ئیستا ساڵانە تەنیا ڕێگە بە دوو گەشتیار دەدات سەردانی وێسگەكە بكات ، ئەو گەشتیارانەشی گەشتی ئاسمانیان پێدەكرێت دەبێت پێوەرە پزیشكییەكانیان تێدا بێت‌و ڕاهێنانیان پێبكرێت و بخرێنە ژێر ئەو ڕێوشوێنانەی كەشتیوانە ئاسمانییەكان پەیڕەوی لێدەكەن.

جیف دیویت بەڕێوەبەری دارایی ئاژانسی ناسا لە نیویۆرك دەڵێت:  ناسا وێستگەی نێودەوڵەتی بۆشایی ئاسمان لەبەردەم دەرفەتی بازرگانی و بەبازاڕكردن ئاواڵا دەكات ، بەجۆرێك پێشتر كاری لەو جۆرەمان نەكردبێت . 

هەروەك رۆبن گاتس بەرپرسێكی تری ناسا دەڵێت: ساڵانە ناسا رێگە بە دوو گەشتی كورت دەدات ، ئەوانەی بەشێوەیەكی تایبەتی گەشتەكانیان بۆ ڕێكدەخرێت.

وەرگێران: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved