ئەو خواردنانەی ئەگەر لێیان دووربكەویتەوە دەبێتە هۆی دابەزاندنی چەوری ورگ

sharpress.net

2539 جار خوێندراوه‌ته‌وه

15/06/2019‌

شارپرێس:
گەلێك لێكۆڵینەوەی پزیشكی جەخت لە مەترسییەكانی كۆبوونەوەی چەوری لە ناوچەی ورگ دەكەن ، كە بەپارێزییەكی خۆراكی تەندرووست نەبێت ناتوانرێت رزگارت بێت لەدەستی .

بەڵام تیری ئان نانس پسپۆڕی سیستەمی خۆراكیی پییوایە، كە كەمكردنەوەی چەوری ناوچەی ورگ بێ پەنا بردنە بەر هەندێك جۆر راهێنانی وەرزشیش دەكرێت ، ئەویش پشت بەو خواردنە دەبەستێت، كە دەیخۆین .

نانس لیستێكی لەو خۆراكانە دیاری كردووە، كە دەبێت لێیان دوور بكەوینەوە تا لە چەوری زیادەی ورگ رزگارمان ببێت ، ئەوانیش ئەمانەن:
گۆشتی دەستكرد 
دەكرێت لەجیاتی خواردنی گۆشتی دەستكرد ( كە گۆشتێكە لەڕێگای چاندنەوەی خانە ئاژەڵییەكان لە تاقیگە بەرهەمدەهێنرێت ) پەنا ببرێتە بەر ماسییە زەیتییەكان ، لەكاتێكدا گۆشتە تێرەكان بە چەوری هۆكارێكن بۆ هەڵاوسان ، ئەوە خواردنی دەوڵەمەند بە ئۆمیگا٣ چەوری ناتێری تێدایە و دەبێتە هۆی دابەزاندنی كێش.

چپسی پەتاتە
ئەگەر دەتەوێت گۆرانكاری تەندرووستی بەسەر سیستەمی خۆراكیتدا بهێنیت ، ئەوە دەبێت ئاگاداری خواردنە خێراكان بیت ، بۆیە نانس ئامۆژگاریمان دەكات بەوەی پێویستە خۆمان لە هەندێك خواردنی وەك چپسی سووركراوە و خواردنی سوێری تر بەدوور بگرین ، لەبەر ئەوەی ئەو خواردنانە هەر پڕنەكراون بەو خوێیەی دەبێتە هۆی هەڵئاوسان ، بەڵكو ئاستێكی بەرز چەوری زیانبەخشیشیان تێدایە .كە ڕێگرن لە دابەزاندنی كێش.

خواردنەوە گازییەكان 
خواردنەوە گازییەكان دەبنە هۆی هەڵاوسانی گەدە ، لێكۆلینەوە پزیشكییەكان دەڵێن خواردنەوە گازییەكان دەبنە هۆی زیاتر تامەزرۆبوون بۆ خواردنە ناتەندرووستەكان ، ئەنجامی لێكۆڵینەوەكان دەڵین پەیوەندی هەیە لەنێوان بەكاربردنی ئەو خواردنەوە گازیانە و كەڵەكەبوونی چەوری لە دەوروبەری كەمەر .

خواردنەوەی كحوول
رۆژانە خواردنەوەی برێكی دیاریكراو بیرە بەدریژایی ساڵ ٤٤٢٠٠ كیلۆ گەرمۆكە (كالۆری) بۆ جەستە زیاد دەكات ، ئەوەش سەردەكێشێت نۆ زیادبوونی كێش .

لەبەر ئەوە ئەو پسپۆرەی بواری خۆراكی ئامۆژگاریمان دەكات كە خواردنەوە كحوولییەكان كەم بكەینەوە ، لەبەر ئەوەی هۆكارێكن بۆ زیادبوونی حەزی خواردن و پەنابردنە بەر خواردنی نەتەندرووست و كالۆری بەرز ، دواجار سەردەكێشێ بۆ زیادبوونی كێشی جەستە .

كێك و پسكیت 
خواردنی دەستكاریكراو زیاتر پڕكراوە بە چەوری و خوێ و شەكر ، بۆیە خواردنی بەفڕنكراو ( مخبوزات) باشترین نموونەیە بۆ ئەو بەرهەمانە ، لەبەر ئەوە دەبێت بەكەمی بخورێت .

نانس دەڵێت: چەوری ناتێر لە خواردنە دەستكاریكراوەكاندا وەكو كێك و پسكیت دەبێتە هۆی هەوكردن ، زۆر لە لیكۆڵینەوەكانیش دەڵێن دەبنە هۆی قەڵەوی .

وەرگێران: ئاكۆ عەبدوڵڵا ئاڵی






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved