شارپرێس:
بریارە لە سبەینێوە سایلۆکانى هەرێمى کوردستان بەپێى خستەیەک دەست بە وەرگرتنى گەنمى جوتیاران بکات.
بەپێى خشتەیەکى وەزارەتى بارزگانى و پیشەسازى هەرێم کە ئاراستەى سایلۆى پارێزگاکان کراوە، لەسبەی یەک شەممەوە دەست دەکرێت بە وەرگرتنى گەنمى جوتیارانى ناوچەکانى هەرێمى کوردستان.
بۆ ئەمساڵ وەزارەتى بارزگانى و پیشەسازى هەرێم بریاریداوە نزیکەى ٣٥٠ هەزار تۆن گەنمى جوتیاران وەربگرێت کە پارێزگاى هەولێر زیاتر لە ١٠٠ هەزار تۆن و سلێمانى نزیکەى ١٣٠ هەزار تۆن و دهۆک نزیکەى ١١٥ هەزار تۆنیان بەردەکەوێت.
هەرچەندە حکومەت بریاریداوە بە وەرگرتنى گەنمى جوتیاران، بەڵام تائێستا هیچ وادەیەک دیاری نەکراوە بۆ پێدانى پارەى جوتیاران.
س.هـ