چۆن مۆبایلەكەت لەهاككردن‌و سیخوڕی بەسەركردنەوە دەپارێزیت

sharpress.net

902 جار خوێندراوه‌ته‌وه

16/06/2019‌

شارپرێس:
شارەزایانی بواری تەكنیكی‌و ئاسایشی زانیارییەكان ئامۆژگاری بەكارهێنەرانی مۆبایلی زیرەك و كۆمپیوتەر دەكەن ، بەوەی لەپێناو پاراستنی ئامێرەكانیان لەهاككردن و سیخوڕی بەسەرەوە كردن چەند هەنگاو و ڕیوشوێنێك بگرنە بەر .

لەگرنگترین ئەو كارانەی بۆ پاراستنی ئامێرە ئەلیكترۆنییەكان گرنگە ئەوەیە، كە هەرگیز لەسەر پەڕەكانی ئینتەرنێت ئەو لینكە ئەلیكترۆنیانە مەكەنەوە، كە سەرچاوەكەیان نادیارە ، لەبەر ئەوەی بەشی زۆریان لینكی وەهمین‌و بەرنامەی هاككردنی ئامێرە ئەلیكترۆنییەكانیان تێدایە .

شارەزایان بەباشی دەزانن، كە تۆرەكانی وای فای لە قاوەخانە و شوێنە گشتییەكان بەكارنەهێنرێت ، لەبەر ئەوەی بەزۆری هاككەرزەكان ئەو جۆرە تۆرانە بۆ هاككردنی ئامێرە كان بەكاردەهێنن .

یەكێكی تر لە كارە گرنگەكان بۆ پاراستنی مۆبایل و كۆمپیوتەرەكەت بریتییە لەدابەزاندنی بەرنامەی دژە ڤایرۆس و بەردەوام نوێكردنەوەی .

هەوڵ بدە بەردەوام ئەو ئامێرە ئەلیكترۆنیانە بكریت، كە كۆمپانیا گەورە و ناودارەكان بەرهەمیان دەهێنن ، لەبەر ئەوەی ئەو كۆمپانیایانە پرۆسێسەر و چیپی ئەوتۆ بەكاردەهێنن، كە لەڕووی تەكنیكییەوە بۆ پاراستنی ئامێرەكە لە هاككردن لێكۆڵینەوەی لەسەر كراوە و پسپۆڕ و خەڵكی شارەزای ئەوتۆیان لایە بۆ پاراستنی ئامێرەكان راهێنراون .

هەنگاوێكی تر ئەوەیە، كە پاسۆورد یان پەنجەمۆر بۆ كردنەوەی ئامێرە ئەلیكترۆنییەكەت دابنێ، تاڕیگری بكەی لەوەی هەندێك كەس دوای دەستوەردان لە مۆبایلەكەت یان كۆمپیوتەرەكەت ، بەرنامە و ڤایرۆسی ئەوتۆ دانەبەزێنێت، كە دواتر بەئاسانی بتوانێت هاكت بكات .

ئەو شارەزایانە جەخت دەكەنەوە لەسەر ئەوەی بۆ كردنەوەی هەژمارە ئەلیكترۆنییەكانیت وشەی تێپەڕی ئاڵۆز دابنێت، كە لە وشە و ژمارە پێكهاتبێت ، هەرگیز پشت بەوشەی تێپەڕی زۆر باو و ئاسان مەبەستە وەك (١٢٣٤٥٦٧٨) ، لەبەر ئەوەی هاككەرەكان زۆر بەئاسانی هاكت دەكەن و دەتوانن دەچنە ناو ئامێرە ئەلیكترۆنییەكەتەوە و داتا و زانیارییەكانت لێدەدزن .

بۆ دڵنیابوون لەوەی كە ئایا وشە تیپەڕەكەت سەلامەتە ، شارەزایانی ئینتەرنێت بەپێویستی دەزانن كە پشت بە هەندێ پێگەی ئەلیكترۆنی تایبەت ببەسترێت وەك  (howsecureismypassword.net)،كە بەشی تایبەتی تێدایە و بەكارهێنەر ئەو وشە تێپەڕەی دەیەوێت بەكاری بهێنێت تییدا دەنووسێت تا پێگەكە پێتبڵێ ئایا تاچەند ئەو وشە تێپەرە سەلامەتە و ئەو كاتە چەندە كە هاككەرزێك پێویستی پێیەتی بۆ هاككردنی .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved