شارپرێس:
هێمن هەورامی جێگری سەرۆكی پەرلەمانی كوردستان ئەندامی ئەو شاندەیە، كە مەسرور بارزانی راسپێراوی پێكهێنانی حكومەتی هەرێم سەرۆكایەتی دەكات.
لەو بارەوە محەمەد عەلی چاودێری سیاسی ئەوەی بەداهێنانێكی نوێ ناوبردووەو دەڵێت: جێگری سەرۆكی پەرلەمانی كوردستان ئەندامی شاندی مەسرور بارزانییە بۆ پێكھێنانی كابینەی نۆیەمی حكومەتی ھەرێمی كوردستان.
هەروەها دەشڵێت: پەرلەمان و حكومەت دوو دامەزراوەی جیاوازو سەربەخۆن، كاری پەرلەمان و سەرۆكایەتییەكەی، چاودێری و لێپرسینەوەیە لەحكومەت، ئەگەر ئەمە سەرەتای كاری پەرلەمان و دەستەی سەرۆكایەتیەكەی بێت، ھەقمانە بپرسین: دەبێت ئەم خولەی پەرلەمان و سەرۆكایەتیەكەی، چ ڕۆڵێكی مێژوییان ھەبێت لەبەرگری لەمافەكانی ھاوڵاتیان و لێپرسینەوەو سەندنەوەی متمانە لە سەرۆك و كابینەی داھاتوی حكومەتی ھەرێم.
مەسرور بارزانی دوو رۆژە شاندێكی پێكهێنانەو دەستی بەسەردانی لایەنەكان كردووە بۆ پێكهێنانی حكومت‌و لەو چوارچێوەیەش چەند كۆبوونەوەیەكی كردووە، كە دەیەوێـت لەماوەی مانگێك كابینەی نوێ رابگەیەنرێت.
هـ ـ ح