ره‌وانه‌كردنی نەوت لە کێڵگەکانی گەرمیانەوە بۆ پاڵاوگەکانی هەولێر راگیرا

sharpress.net

10081 جار خوێندراوه‌ته‌وه

19/06/2019‌

شارپرێس:
وتەبێژی ئاسایشی گشتی گەرمیان رایگه‌یاند، لە بازگەکانی سنووری ئیدارەی گەرمیاندا دەیان تانکەر، کە نەوتی کێڵگەکانی حەسیرەو چیا سورغیان هەڵگربوو بۆ پاڵاوگەکانی هەولێر، ڕێگەی تێپەڕبوونیان نەدرا.

عوسمان عەبدلکەریم، وتەبێژی ئاسایشی گشتی گەرمیان بە كه‌ناڵی ئێن ئاڕتی ڕاگەیاندووه‌،  ڕێگری لە ڕۆشتنی نەوت بەهۆی تەواوبوونی مۆڵەتی کۆمپانیای گوێزەرەوەی نەوتی ناوچەکەیە.

راشیگه‌یاند، "کۆمپانیای بلاک بۆڵ کە کاری گواسنەوەی نەوت دەکات لە گەرمیانەوە بۆ هەولێر، ماوەی سێ ڕۆژە مۆڵەتی کارکردنی تەواو بووە، تا نوێکردنەوەی مۆڵەتیش ڕێگە بە ڕۆشتنی نەوتی گەرمیان بۆ هەولێر نادرێت".

ئه‌و لێدوانه‌ی وتەبێژی ئاسایشی گشتی گەرمیان له‌كاتێكدایه‌ دوێنێ سێشه‌ممه‌ مەحمود سەنگاوی، ئەندامی مەکتەبی سیاسی یەکێتی و یه‌كێك له‌ سه‌ركرده‌كانی ئه‌و حزبه‌ له‌ گه‌رمیان له‌ وتارێكدا رەخنەی توندی لە پارتی گرت و هەڕەشەی دوو ئیدارەیی و مامەڵەی سەربەخۆی بە نەوتی سنووری دەسەڵاتی یەکێتییەوە کرد.
ه.م




ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved