هەرێم هەناردەكردنی هێلكە بۆ پارێزگاكانی تری عێراق رادەگرێت

sharpress.net

394 جار خوێندراوه‌ته‌وه

23/06/2019‌

شارپرێس:
وەزارەتی بازرگانی و پیشەسازی هەرێمی كورستان بڕیاریدا ڕێگری بكات لەهەناردەكردنی هێلكەی ناوخۆی هەرێم بۆ پارێزگاكانی ناوەراست و باشووری عێراق ، ئەوەش وەك هەوڵێك بۆ كەمكردنەوەی نەرخی هێلكە، كە ئێستا بەشێوەیەكی بەرچاو نرخەكەی هەڵكشاوە.

نەوزاد ئەدهەم لەلێدوانێكیدا رۆژنامەوانیدا دەڵێت: بۆ ئەوەی ڕێگری بكرێت لەبەرزبوونەوەی نرخی هێلكە لە شارەكانی كوردستان، بەشێوەیەكی كاتی هەناردەكردنی هێلكەی ناوخۆی هەرێم بۆ پارێزگاكانی تری عێراق رادەگیرێت.

نەوزاد دەشڵێت: لەهەر پارێزگایەك چەند لیژنەیەك هەیە ، ئەو لیژنانە لە دەروازە سنوورییەكان بڕیار دەدەن بەوەی هێلكە لە شارەكانی هەرێمی كوردستانەوە هەناردە نەكرێت.

پێشتر تەبەقی هێلكە لە هەرێمی كوردستان لەنێوان سێ هەزار بۆ سێهەزار و پێنجسەد دیناردا بوو ، بەڵام ئێستا بۆ ٥٥٠٠ دینار بەرز بۆتەوە.

داتا فەرمییەكانیش ئاماژە بۆ ئەوە دەكەن، كە لەهەرێمی كوردستان ساڵانە ملیارێك و ٣١١ ملیۆن هێلكە بەرهەم دەهێنرێت.

وەرگێڕان: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved