ئیدارەی رۆژئاوای كوردستان جوتیارە زیانلێكەوتووەكان قەرەبوو دەكاتەوە

sharpress.net

237 جار خوێندراوه‌ته‌وه

24/06/2019‌

شارپرێس:
خەلیل شێخ موسلیم هاوسەرۆكی لیژنەی دارایی ناوچەی كۆبانی رایگەیاند، ئیدارەی خۆبەڕێوەبەری رۆژئاوای كوردستان ئەو جوتیارانە قەرەبوو دەكاتەوە كە بەرهەمە كشتووكاڵییەكانیان سووتاوە.

شێخ موسلیم لەلێدوانێكیدا بۆ تەلەفزیۆنی روناهی راشیگەیاند، دەستەی كشتوكاڵ لیژنەیەك درووست دەكات بۆ دیاریكردنی جوتیارە زیانلێكەوتووەكان، دوای دەستنیشانكردنیشیان سەرجەمیان قەرەبوو دەكرێنەوە.

ئەو بەرپرسەی رۆژئاوای كوردستان هەروەها راگەیاند، ئەو كەسانەی زەییە كشتووكاڵییەكانیان سووتاوە دەبێت ئەو زیانەیان بۆ دەستنیشان بكرێت، كە پێیان گەیشتووە ، بەجۆرێك ئەوانەی گەنمیان سووتاوە لەوانە جیابكرێنەوە، كە جۆیان سووتاوە تاوەكو تێكەڵی لە ناوی جوتیاراندا درووست نەبێت ، بۆئەوەش دەبێت جوتیاران ئاسانكاری بۆ ئەو لیژنانە بكەن كە بەوكارە هەڵدەستن ، تاوەكو بتوانن هەموو جوتیارە زیانلێكەوتووەكان دەستنیشان بكرێن.

شێخ موسلیم ئەوەشی راگەیاند، لەناوچەكە نزیكەی سێ هەزار هێكتار زەوی كشتووكاڵی زیانی بەركەوتووە ، بەڵام لەبەر ئەوەی رۆژانە بەرهەمە كشتووكاڵییەكانی ناوچەكە تووشی رووداوی ئاگركەوتنەوە دەبن بۆیە ڕێژەكە لە بەرزبوونەوەدایە .

هـ ـ ح





ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved