ڤیدیۆ.. كەشتییە سەهۆڵشكێنە ڕوسییەكان جەمسەری باكوور داگیر دەكەن

sharpress.net

3578 جار خوێندراوه‌ته‌وه

29/06/2019‌

شارپرێس:
وێنەی جوانییە بێكۆتاكەی جەمسەری باكوور، كە لەوپەڕی قەشەنگی خۆیدا لە لایەن یەكێك لەگەورەترین كەشتییە سەهۆڵشكێنەكانی ڕووسیاوە (یەمەل) گیراوە، لە كاتێكدا كەشتییەكە بە هێزێكی زۆرەوە بە دەمە قرشیەكەیەوە شەختە سەهۆڵەكان دەبڕێ و بە هێواشی بەرەو ئاسۆ بەفرینەكان ڕێ دەكات.

كەشتییە سەهۆڵشكێنەكە، هێزی ٧٥٠٠٠ ئەسپی هەیە بە ئاسانی توانی ڕووبەڕووی دۆخی سەختی كەشوهەوای جەمسەری باكوور ببێتەوە كاتێك بەڕێگەیەكی دەریای باكووردا دەڕۆیشت، كە بە ئەستووری چەند مەترێك بەفر دایپۆشیوە. 


وێنەی كەشتییەكە، كە بە هێزە زۆركەیەوە بە دەمە قرشییەكەی چەندان كێڵگەی سەهۆڵبەندان دەبڕێت لە ئاسمانەوە وەك یاریەكی منداڵان دەردەكەوێت.

گرتە ڤیدیۆییە ئاسمانییەكە، كە لە لایەن دەستەی كەشتییەكەوە بە فڕۆكەیەكی درۆن لە ماوەی گەشتە یەكه هەفتەییەكەیاندا گیراوە، جوانی و قەشەنگی نەبینراوی جیهانی بەستووش نیشان دەدات، هەر لەو گەشتەدا تووشی سەهۆڵشكێنێكی تەمەن ٥٠ ساڵەی دیكەش دەبن. 

ئەم گەشتە پڕ سەركێشییە لە دەریای بارێنتس ەوە بۆ دەریای كارا بووە بە دەوری كۆمەڵەدورگەكانی نۆڤایا زەملیا.

وەرگێڕان: هێمن عەزیز






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved