ئەفسەرێكی نزیك لە سەرۆكی بەرازیل بەمادەی هۆشبەرەوە دەستگیردەكرێت

sharpress.net

236 جار خوێندراوه‌ته‌وه

30/06/2019‌

شارپرێس:
لە ئیسپانیا ئەفسەرێكی هێزی ئاسمانی بەرازیلی دەستگیركرا، كە لەناو شاندی هاورێی جایر پۆسنارۆ سەرۆكی بەرازیلیدابوون لەكاتی گەشتكردنیان بۆ وڵاتی ژاپۆن و بەشداریكردن لە كۆبوونەوەی لوتكەی G20 ، ئەوەش دوای ئەوەی دەركەوت ٣٩ كیلۆگرام كۆكاینی لەناو جانتاكەیدا هەڵگرتووە.

دەزگاكانی راگەیاندنی ئیسپانیا بەپشتبەستن بە قسەی چەند سەرچاوەیەكی باسیان لەوە كرد ئەفسەرێكی بەرازیلی، كە ناوی " سیلڤا رۆدریگزی تەمەن ( ٣٨ ساڵ) ، لەفرۆكەخانەی ئیشبیلییە و لەكاتی وەستاندنی فرۆكەكەیان ماددەی هۆشبەری پێگیراوە .

ئەو سەرچاوانە وتوویانە لەكاتی پشكنینی رۆتینی جانتاكان توانراوە دەست بەسەر ئەو ماددە هۆشبەرانەدا بگیرێت، كە لەناو جل و بەرگەكاندا شاردبوویەوە.

ئەفسەرەكە لەگەڵ فرۆكەیەكی یەدەگ خەریكی گەشتكردن بووە بۆ شاری ئۆكاسای ژاپۆنی، كە سەرۆكی بەرازیلیش لەناو فرۆكەیەكی تردا بووە .

لای خۆیەوە سەرۆكی بەرازیل لەسەر رووداوەكە قسەی كردووە و وتوویەتی: داوام لە وەزارەتی بەرگری كردووە هاوكاری لەگەڵ دەسەڵاتدارانی ئیسپانیادا بكەن ، ئەگەر هات و ئەفسەرەكەمان تاوانبار بوو ، ئەوە با بەپێی یاسا مامەڵەی لەگەڵ بكرێت و سزا بدرێت .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved