بــۆ وازهــێــنــان لــە جــگــەرەكــێــشــان پــشــت بـە لــیــمــۆ بــبــەســتــە

sharpress.net

223 جار خوێندراوه‌ته‌وه

30/06/2019‌

شارپرێس:
رێكخراوی تەندروستی جیهانی راپۆرتێكی بڵاوكردووەتەوە و تێیدا ئاماژەی بۆ ئەوە كردووە، ساڵانە ژمارەیەكی زۆری خەڵك بەهۆی ئەو نەخۆشیانەوە دەمرن كە هۆكارەكەی جگەرەكێشانە.

رێكخراوەكە لە راپۆرتەكەیدا باسی لەوە كردووە، كە بۆ وازهێنان لە جگەرەكێشان دەبێت مرۆڤ ویستێكی بەهێزی هەبێت.

بەپێی راپۆرتی رێكخراوی تەندروستی جیهانی بۆ وازهێنان لە جگەرەكێشان دەكرێت پەنا ببرێتە بەر هەندێك رێگای ئاسان، لەوانەش لیمۆ .

وردەكاری بەكارهێنانی لیمۆكەش بەجۆرێكە یەك لیمۆ بگوشرێت‌و بكرێتە ناو پەرداخێك ئاوی شیلەتێنەوە ، هەركاتێكیش حەزت بۆ جگەرەكێشان چوو ئەوە ئاوی لیمۆكە بخورێتەوە.

هەروەك دەبێت بۆماوەیەك واز لە خواردنەوەی قاوە بهێنرێت ، لەبەر ئەوەی بەكارهێنانی كافایین لەگەڵ نیكۆتین حەزی بەردەوام بوون لەسەر جگەرەكیشان زیاد دەكات .

لەلایەكی ترەوە دەبێت وریای ئەوە بین كە لیمۆ  ئازاربەخشە ئەگەر بێت و جگەرەكێش گرفتی لە گەدەیدا هەبێت یان كێشەی گورچیلەی هەبێت .

زۆریش گرنگە لەگەڵ ئەوەدا راهێنانی وەرزشی بكەین و بڕی پێویست لە ئاو بخۆینەوە و پەیڕەوی سیستەمێكی خۆراكیی هاوسەنگ و تەندرووست بكەین ، ئەوەش لەپێناو قەرەبووكردنەوەی ئەو ڤیتامین و كانزایانەی بەهۆی  جگەرەكێشان درووست دەبێت .

وەرگێران: ئاكۆ عەبدوڵڵا ئاڵی






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved