فوئاد حوسێن دڵنیایی لەناردنی موچەی فەرمانبەرانی هەرێم دەدات

عیراق

01/07/2019‌ 217 جار خوێندراوه‌ته‌وه

شارپرێس:
فوئاد حوسێن وەزیری دارایی و ئابووری عێراق رایگەیاند، موچە بەشێكە لە یاسای بودجە و حكومەتی فیدراڵی پابەندە بەو یاسایە و بەردەوام دەبێت‌و هیچ كێشەیەك لەبارەی موچەوە نییە. 

فوئاد حوسێن، وەزیری دارایی و ئابووری عێراق لە گفتوگۆیەكدا لەگەڵ هەفتەنامەی رووداو راشیگەیاند، لەسەر رادەستكردنی 250 هەزار بەرمیل نەوت لەلایەن هەولێرەوە بە بەغدا دانوستاندن دەستپیدەكات، ئەنجامی دانوستاندنەكە دەگاتە رێككەوتن یان چۆن دەبێت، من ئەوە نازانم.

هەروەها لەبارەی كۆكردنەوەی واژوو بۆ بانگهێشتكردنی لەلایەن پەرلەمانی عێراقەوە فوئاد حوسێن وتی: "پەرلەمانتارێك لەبەر ئەوەی نەمتوانیوە بیبینم و لەكۆبوونەوە بووم، بەمە پەست بووە چووە واژووەی كۆكردووەتەوە بۆ ئەوەی لێپرسینەوەم لێبكرێت". 

هەروەها وتیشی: "ئەمە شتێكی ئاساییە، بەڵام ئەگەر لێپێچینەوەمان لەگەڵ بكرێت لەسەر جێبەجێكردنی یاسا من شانازی پێوە دەكەم".

هـ ـ ح