شارپرێس:
ئەگەر دەتەوێت بزانیت بەراستی تووشی نەخۆشی دەروونی "سێلفی"گرتن بووی ، ئەو چەند پرسیارە وەڵامەكەت پێدەڵێتەوە .
بە بەڵێ یان نەخێر وەڵامی ئەم پرسیارانە بدەرەوە ، لەكۆتاییدا ئەنجامەكەی دەزانیت:
ئایا پێتوایە زیاد لەپێویست وێنەی سێڵفی دەگریت؟
ئایا هەست بە بەتاڵی دەكەی ئەگەر رۆژێك تێپەڕێت و وێنەیەكی سێڵفی نەگریت؟
ئایا لەكاتی وێنەگرتندا هەست بە خۆشحاڵی دەكەی؟
ئایا بۆ ئەوەی وێنەیەكی سێڵفی جوان بگری كاتێكی زۆری بۆ تەرخان دەكەی ؟
ئایا وێنەكەت لەپێناو لەبیرچوونەوە بڵاو دەكەیتەوە یان بۆ دووركەوتنەوە لەهەستان بۆ كاروباری تر ؟
ئایا پێشتر هەوڵتداوە واز لە گرتنی وێنەی سێڵفی بێنیت و شكستت هێناوە ؟
ئایا گرتنی وێنەكانت كاریگەری دەكاتە سەر پەیوەندیت بە دەوروبەرت یان كارەكەت یان خوێندنەكەت ؟
ئایا بێتاقەت دەبیت ئەگەر وێنەكەت زۆر لایكی بۆ نەیەت یان كۆمێنتی زۆر بۆ نەنووسرێت ؟
ئایا بڵاوكردنەوەی وێنەیەكت ئەو هەستەی بۆ درووست نەكردووی كە تۆ كەسێكی گرنگی لای خەڵك ؟
ئەنجامی تاقیكردنەوە
ئەگەر وەڵامە بەڵێكانت لەنێوان ٢ بۆ ٤ بوون ، ئەوە تۆ سەلامەت و بێگرفتی .
بەڵام ئەگەر وەڵامە "بەڵێ" كان لە ٤ زیاتر بوون ، ئەوە كارەكە لەوە گەورەترە وەك خۆت وێنای دەكەیت و تۆ ئاڵوودەی "سێڵفی گرتن " و دەبێت دەستبەجێ راوەستیت.
وەرگێڕان: ئاكۆ عەبدوڵڵا ئاڵی
