وەڵامی زانایەكی ئەزهەر بۆ پرسیاری شەرعیبوونی رێگری لەدووگیان بوون

sharpress.net

1202 جار خوێندراوه‌ته‌وه

10/07/2019‌

شارپرێس:
لەوەڵامی پرسیاری رێپێدان بە "رێگری لە سكپڕی"، عەلی جومعە ئەندامی دەستەی گەورە زانایانی ئەزهەر لەسەر ئەو بابەتە فەتوایەكیداوەو بۆ ئەوەش پشتی بە رایەكی ئیمام غەزالی بەستووە .

پرسیارەكە ئافرەتێك كردوویەتی و وتوویەتی: ئەو  كوڕ و كچێكی هەیە و نایەوێت هیچ منداڵێكی تری ببێت .

وەڵامەكەی شێخ عەلی ئەوە بووە، كە ڕێگری لە سكپڕی  دروستە و رێپێدراوە ، تەنانەت ئەگەر ئەوە لەترسی تێكچوونی جوانی ئافرەتیش بێت . 

بۆ ئەوەش شێخ عەلی موفتی پێشووی میسر لەنێوان ساڵەكانی (٢٠٠٣-٢٠١٣ ) و ئەندامی دەستەی گەورە زانایانی ئەزهەر  پشتی بەقسەیەكی ئیمام غەزالی بەستووە، كە دەڵێت: ئافرەت دەتوانێت تەنانەت لەترسی تێكچوونی جوانییەكەشی رێگە لە منداڵبوون بگرێت.

شێخ عەلی جومعە بەوە ناسراوە، كە گەلێك فەتوای ئاینی و بیروبۆچوونی نوێكراوەی هەیە ، بەجۆرێك بەگوێرەی ناوەندی مەلەكی بۆ توێژینەوە و لێكۆڵینەوەی ئیسلامی (جگە لەساڵی ٢٠١٥) ،  بە یەكێك لە ٥٠ كەسایەتییە مسوڵمانە كاریگەرەكان لەنێوان ساڵەكانی (٢٠٠٩ -٢٠١٧ ) دەستنیشان كراوە ، ناوبراو هەڵگری بڕوانامەی دوكتۆرایە لەئوسوڵی فیقه لە كۆلێژی شەریعە و یاسای زانكۆی ئەزهەر لەساڵی ١٩٨٨، وە دوكتۆرای فەخری لە ئادابی مرۆیی لەلایەن زانكۆی لیڤەرپول (٢٠١١) ، ئەویش بەهۆی ئەو ڕۆڵەی لە بڵاوكردنەوەی لێبووردەیی و لەیەكتێگەیشتن لەنێوان ئاینەكان لەسەر ئاستی جیهان گێراویەتی .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved