شارپرێس:
زیاد لە ٦٠٠ هەزار كەس واژوویان لەسەر چوونە ناو ناوچەی ٥١ كردووە لەئەمریكا، كە ناوچەیەكی نهێنی سەربازییە لەبیابانی نیڤادای.
ئەو كەسانە بۆ گەڕان بەدوای ڕاستتییەكان و دەرخستنی نهێنی راستییەكانی بوونەوەری ئاسمانی دەیانەوێت ئەو كارە بكەن.
ئەو ڕووداوە بە "زریانی ناوچەی ٥١ ئەوان ناتوانن ڕێگە لەهەموومان بگرن" ناو نراوە و داوا دەكەن بەكۆمەڵ بچنە ئەو ناوچەیەوە.
ئەو كەمپینە لەڕێگەی تۆڕی كۆمەڵایەتی فەیسبووك ڕێكخراوە و زیاتر زمانێكی هەڕەشەی پێوە دیارە وەك لەناڕازاییو مانگرتن بەرانبەر ئەو شوێنە.
بەرپرسێكی سەر بەو كەمپینە ئاماژەی بەوەداوە، كە ئەگەر بەشێوەیەكی خێرا ڕێبكەینو خێراتر لە فیشەكەكانیان و دەتواینین ئەو ناوچەیە بەچاوی خۆمان ببینن و ڕاستی نهێنی بوونەوەرە ئاسمانییەكانمان بۆ دەردەكەوێت.
ئەو وتیشی: ئەگەر ڕاكردنەكەمان وەك كارتۆنی "نارۆتۆ" بێت ئەوا خێرا تر دەرۆین، "ڕاكردنی نارۆتۆ" خێرایەكی زۆرە و شێوازێكی تایبەتە بەو كارەكتەرە ژاپۆنییەی، كە سەری دادەخات و قۆڵەكانی بۆ دواوە دادەنێتو رادەكات.
كاتی كەمپینەكە وادانراوە لە ٢٠ ی مانگی ٩ دا ئەنجام بدرێت، كە ناوچەكە بەهۆی نهێنییەكانی لەلایەن سەربازانی ئەمریكییەوە دەپارێزرێتو رێگری لەچوونی خەڵكی بۆی دەكرێـت.
وەرگێڕان: رەوەند ئیسماعیل