شارپرێس:
بەڕێوەبەرایەتی گەشتوگوزاری سلێمانی رایگەیاند، مانگانە ١٠٠ هەزار گەشتیار لەسلێمانی تۆمار دەكرێن، كە سەردانی شارەكە دەكەن، ئاماژە بۆ ئەوەش دەكات ژمارەی ئەو گەشتیارانەی سەردانی شارەكە دەكەن بەشێوەیەكی بەردەوام روو لەزیادبوونە .
ئارام شوانی لەلێدوانێكدا دەڵێت: ئەمساڵ و لەگەڵ هاتنی وەرزی هاوین مانگانە ژمارەی گەشتیاران دەگاتە ١٠٠ هەزار گەشتیار ، بەتایبەتیش ئەوە تەنیا هی رۆژە ئاساییەكانە و بێ لەرۆژانی جەژن و بۆنەكان.
بەڕێوەبەرەی گەشتوگوزاری سلێمانی چاوەڕێ دەكات لەجەژنی قورباندا ئەو ژمارەیە دووقات زیاد بكات ، دەشڵێت: ساڵی رابردوو ملیۆنێك گەشتیار لەسلێمانی تۆمار كراوە.
لەبەشێكی تری لێدوانەكەیدا شوانی دەڵێت: بەهۆی پێشخستنی كەرتی گەشتیاری لەپارێزگاكە و شار و گوندەكانی ، پارێزگاكە خۆی بۆ پێشوازیكردنی ژمارەیەكی زۆرتری گەشتیاران ئامادە دەكات، جەختیش دەكاتەوە لەهاویناندا ژمارەی گەشتیاران بەشێوەیەكی بەرچاو زیاد دەكات .
وەرگێڕان: ئاكۆ عەبدوڵڵا ئاڵی