شارپرێس:
رێگاكانی هەولێر بەرووی شارەكانی هەرێمی كوردستان داخراون، دوای ئەوەی جێگری كونسوڵی توركیاو دوو دبلۆماتكاری توركی لەشاری هەولێر كوژراون.
ئەو كەسانە لەئەنجامی تەقەكردنی كەسێك لەكافتریایەك كوژراون، كە جگە لەكوژرانی ئەو سێ كەسە كەسێكی تریش كوژراوەو كارمەندی كونسوڵخانەی توركیایە لەهەولێر.
سەرچاوەكە باسی لەوە كردووە، ئەو چوار كەسەی كارمەندی كونسوڵخانەی توركیا لەهەولێر لەكافییەك سەرقاڵی نانخواردن بوون‌و لەلایەن كەسێكەوە تەقەیان لێكراوە.
لەدوای رووداوەكەش هێزە ئەمنییەكان چوونەتە شوێنی رووداوەكەو ئێستا دەست بەلێكۆڵینەوە كراوە، كە تائێستا هیچ روونكردنەویەكی فەرمی لەو بارەوە ئاشكرانەكراوە.
لەئێستادا بۆ دەستگیركردنی ئەو كەسەی تەقەی كردووە، رێگەی هەولێر بەرووی سلێمانی و كەركوك‌و مەخمور داخراون‌و رێگەی هاتووچۆی هاووڵاتیان گیراوە.