شارپرێس:
هێلیكۆپتەرەكانی سوپای توركیان دەوروبەری گوندی خەلیفان و سیران بۆردومانكرد، كە لەو ڤیدیۆیەی ڕۆژنیوز تۆماریكردووە، دیارە بەقورسی هێرش دەكرێتە سەر هاووڵاتیان و خەڵكیش بۆ پاراستنی خۆیان، پەنا دەبەن بۆ پشتی بەردەكان.
رۆژی هەینی هێلیكۆپتەرەكانی سوپای توركیا گوندەكانی خەلیفان و سیران لە ناوچەی سیدەكانی سەر بە پارێزگای هەولێریان بە دژواری گولـلەباران كرد.
لەو ڤیدیۆیانەی ڕۆژنیوز تۆماری كردوون، دیارە هێلیكۆپتەرەكانی سوپای توركیا بەقورسی دەوروبەری گوندەكانی خەلیفان و سیران بەبێ ناوبڕ گولـلەباران دەكەن.
وەك شایەتحاڵێك دەگێڕێتەوە، كە دوای گولـلەبارانی بێناوبڕی هێلیكۆپتەرەكان، هاووڵاتیان بۆ ئەوەی خۆیان بپارێزن پەنایان بردووەتە پشت بەردە گەورەكان.
دوای ئەو هێرشە ئاگر بەربووەتە نێو پووش و پاوەن و دارستانەكانی ناوچەكە كە زیانی ماددیی لێكەوتووەتەوە، پێشتریش ڕاگەیەندرابوو كە، هەندێك لە دانیشتووانی گوندەكە بەهۆی هێرشەكانەوە ناچار ماڵ و حاڵی خۆیان جێهێشتووە.
هـ ـ ح