شارپرێس:
ئەندامێکى لیژنەی ئاسایش و بەرگری لەپەرلەمانى عێراق رایدەگەیەنێت کە حکمەتی هەرێم رەتیکردۆتەوە
بۆ ڕێگریکردن لە تورکیا لەهاتنەناوی بۆناو هەرێم حکوومەتی بەغدا دەستتێوەردان بکات
.
بەدر زیادی ئەندامی لیژنەی ئاسایش و بەرگری لە پەرلەمانى عێراق رایگەیاندوە" بۆردومانی تۆپخانە و فرۆکە جەنگییەکانی تورکیا بۆسەر پێگەکانی پارتی
کرێکارانی کوردستان لە هەرێمی کوردستان بێ رەزامەندی حکوومەتی بەغدایە، دەشڵێت " هاتنە ناوەوەی ئەم دواییەی سوپای تورکیا بۆناو خاکی هەرێم بەرێکەوتن
و بەرەزامەندی حکوومەتی هەرێمی کوردستان بووە ، نەوەک حکوومەتی ناوەندی ".
ئاماژەى بەوەشکردوە، حکومەتی
هەرێم بەرپرسە لە پێشێلکردنی سەروەری خاکی عێراق و ئەنجامدانی ئەو پرۆسە
سەربازیانە لەناو خاکەکەی، لەبەر ئەوەی ئەوان بەرپرسی یەکەمن لە پاراستنی سنووری
عێراق لەگەڵ تورکیا .
ئەو پەرلەمانتارە بۆ پێگەى "مەعلومە" روونیشی دەکاتەوە کە حکوومەتی هەرێم رەتیکردۆتەوە رێگە
بە لیژنەی ئاسایش و بەرگری ئەنجوومەنی نوێنەران و حکوومەتی بەغدا بدات بۆ
بەرپەرچدانەوەی هاتنەناوەوەی سوپای تورکیا دەستتێوەردان بکەن .
زیادى دەڵێت، وەزارەتی دەرەوە پابەندە بەوەی
لەبەرانبەر تورکیا رۆڵی دیبلۆماسیانەی خۆی بخاتە گەڕ و رێگری لە پیشێلکردنی
سەروەری خاکەکەی بکات.
لەم ماوەیەی دوایی سوپای تورکیا دەستپێکردنی پرۆسەی
سەربازی "چڕنووک ٢"ی دەستپێکرد ، کە بە قسەی سوپای تورکیا ئامانج لێی راوەدوونانی
چەکدارانی پارتی کرێکارانی کوردستانە لەناو خاکی هەرێمی کوردستان .
و:ئاکۆ عەبدوڵلا ئاڵی
س.هـ