عێراق پلانی هەیە لەرێگەی هێڵی ئاسنینەوە وڵات بەتوركیاوە ببەستێتەوە

sharpress.net

315 جار خوێندراوه‌ته‌وه

31/07/2019‌

شارپرێس:
وەزارەتی گواستنەوەی عێراق، پلانی داناوە وڵات لە رێگەی هێڵی ئاسنینەوە بە توركیاوە ببەستێتەوە.

بەپێی هەواڵی ئاژانسی ئەنادۆڵ، وەزیری گواستنەوەی عێراق، عەبدوڵڵا لعێبی لە روونكردنەوەیەكیدا لە تەلەڤیزیۆنێكی تایبەتدا، كە ناوەندەكەی لە عێراقە، باسی لە پلانەكانی كۆمپانیای هێڵی ئاسنینی عێراق كرد.

عەبدوڵڵا لعێبی باسی لەوەش كرد، كە كۆمپانیاكە دوای ئەوەی قەیرانەی بەسەریدا هات چووەتە قۆناغی باشبوونەوە، ئەوەیشی خستەڕوو لە چوارچێوەی قۆناغەكەدا مەودای نێوان بەسرە-بەغدا لە 10 كاتژمێرەوە دابەزیوە بۆ حەوت كاتژمێر. هێڵی ئاسنینی نێوان پاڵاوگەی بێجی و سامەرا كراوەتەوە، پلانیشیان هەیە لە ماوەیەكی نزیكدا هێڵی ئاسنین بۆ شارەكانی مووسڵ و سەڵاحەددین رابكێشن.

ناوبراو باسی لەوەیش كرد، كە پلانیان هەیە بۆ راكێشانی هێڵی ئاسنین بۆ دەرەوەی وڵات و بەنیازن وەك وەزارەت لە قۆناغی داهاتوودا عێراق و توركیا لە رێگەی هێڵی ئاسنینەوە بەیەكەوە ببەستنەوە.

هـ ـ ح






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved