شارپرێس:
لێكۆڵینەوەیەكی نوێی ئەمەریكی، كە زاناكانی زانكۆی كالیفۆڕنیا كردوویانە ، ئەوەی دەرخستووە پەیوەندی هەیە لەنێوان خواردنی شۆكۆلاتەی قاوەییو باری دەروونی مرۆڤ .
زاناكان داتاكانی ١٣٦٢٦ كەسی پێگەیشتوویان شیكردووەتەوە، كە خواردنی شۆكۆلاتەی قاوەیی و نیشانەكانی خەمۆكی و كۆمەڵێك هۆكاری تریشی لەخۆگرتووە ، لەوانە درێژی و چالاكی جەستەیی و كێشە تەندرووستییە درێژخایەنەكان .
شیكردنەوەی داتای بەشداربووان ئەوانەی وتوویانە رۆژانە دووجار شۆكۆلاتەی قاوەیی دەخۆن ، بەڕێژەی ٧٠% ئەگەری تووشبوون بە خەمۆكیان لەوانە كەمتر بوو، كە وتوویانە هەرگیز نەیانخواردووە .
سارە جاكسۆن، كە سەرپەرشتیاری لێكۆڵینەوەكەیە دەڵێت: ئەو لێكۆڵینەوەیە هەندێك بەڵگە دەخاتەروو، كە خواردنی شۆكۆلاتە بەتایبەت قاوەییەكەی رەنگە پەیوەندی هەبێت بەئەگەرەكانی دەركەوتنی نیشانەكانی خەمۆكی.
هەروەها دەشڵێت: لەگەڵ ئەوەشدا هێشتا پێویستی زیاتر بەلێكۆڵینەوە هەیە بۆ روونكردنەوەی پەیوەندی نێوان شۆكۆلاتە و خەمۆكی.
چەندین لێكۆڵینەوەی پێشووتریش ئەوەیان دەرخستووە، كە شۆكۆلاتە ئەو تایبەتمەندییەی هەیە، كە باری دەروونی مرۆڤ باش دەكات، لەگەڵ ئەوەی هێشتا هۆكاری ئەوە نەزانراوە .
وەرگێڕان: ئاكۆ عەبدوڵڵا ئاڵی