شارپرێس:
سەرسووڕان لای بەساڵاچووان زۆربەدی دەكرێت، بەڵام هۆكارەكانی چین و چۆن دەكرێت چارەسەر بكرێت؟ ئەوە پرسیارە گرنگەكەیە، كە دەبێت بەدوایدا بگەڕێن؟
بۆ وەڵامدانەوەی ئەو پرسیارە گۆڤاری "سنیورین ڕاتجیبەر" بڵاویكردووەتەوە، سەرسوورانی بەساڵاچووان كۆمەڵێك هۆكاری هەیە وەك دابەزینی پەستانی خوێن و كێشەكانی دڵ و بۆرییەكانی خوێن، بوونی گرفت لە گوێی ناوەوە و تێكچوونی رۆیشتنی خوێن بۆ مێشك و گرفتە دەمارییەكان .
جگە لەوەی رەنگە سەرسووڕان بەهۆی كاریگەری لاوەكی یەكێك لەدەرمانەكان بێت، كە لەلایەن خەڵكی بەتەمەنەوە بەكاردەهێنرێت، ئەوە سەرباری شڵەژانی دەروونی .
لەبەر ئەوە زۆر پێویستە راوێژ بە پزیشك بكرێت تا هۆكاری شاراوەی پشت ئەو سەرسوورانە دیاری بكات و لەكاتی گونجاویشدا چارەسەری بۆ دانێت .
هەروەها دەكرێت لەڕێگای بەكارهێنانی دەرمان و پەنابردنە بەر راهێنانە وەرزشییەكان بەرەنگاری ئەو گرفتە تەندرووستییە ببیتەوە، جگە لەبەردەوام بوون لەسەر جوڵە و جالاكییەكان، بەشێوەیەك كۆئەندامی دەمار خۆبەخۆ و لەڕێگای ئەو چالاكیانەوە رێكوپێكی كاركردنی بۆدەگەڕێتەوە .
وەرگێڕان: ئاكۆ عەبدوڵڵا ئاڵی