شارپرێس:
بەپێی زانیارییەكانی ئاژانسی ناسای ئەمەریكی لەكۆتایی مانگی ئاب هەسارۆكەیەك لەزەوی نزیك دەبێتەوە، كە قەبارەكەی لە قەبارەی هەرەمی خۆفۆ گەورەترە و مەترسی لەسەر هەسارەی زەوی دروست دەكات .
ناسا باس لەوە دەكات، چێوەی هەسارۆكەی 2019 OU1 دەگاتە ١٦٠ مەتر ، واتە ٢٠ مەتر لە هەرەمی خۆفۆ گەورەترە .
لە ٢٨ی ئاب هەسارۆكەی 2019 OU1 نزیكەی ٤٠ جار لە هەسارەی زوهرە لەزەوی نزیكتر دەبێت، كە رەنگە تا نزیكی ملیۆنێك كیلۆمەتر لەزەوی نزیك ببێتەوە .
پێشتریش ئاژانسی گەردوونی ئەوروپا لیستێكی ئەو تەنە ئاسمانییانە بڵاوكردبووەوە، كە ئەگەری ئەوەیان هەیە مەترسی لەسەر زەوی دروست بكەن ، تێیدا روونكراوەتەوە ئەگەری بەركەوتنی هەسارۆكەی 2006QV89 بە زەوی بریتییە لە یەك لە ٧ هەزار (1\7000). كە ئێستا هەسارۆكەكە ٥،٧ ملیۆن كیلۆمەتر لە زەوییەوە دوورە .
جگە لەم دوو هەسارۆكەیەی تر قەزەمە هەسارەی 2010RF12 ئەگەری هەیە ساڵی ٢٠٩٥ ئەوەندە لەزەوی نزیك ببێتەوە، كە ئەگەری بەركەوتنی بە زەوی بریتی بێت لە یەك لە شازدە (1\16).
وەرگێڕان: ئاكۆ عەبدوڵڵا ئاڵی