نرخی نەوت لەبازاڕەكانی جیهان بەرزبوونەوەیەكی گەورە تۆماردەكات

sharpress.net

385 جار خوێندراوه‌ته‌وه

13/08/2019‌

شارپرێس:
نرخی نەوت لەبازاڕەكانی جیهان بەرزبوونەوەیەكی گەورەی تۆماركرد، دوای ئەوەی ئەمریكا رایگەیاند، بڕیاری سەپاندنی گومرگی زیاتر بەسەر كەلوپەلی چین دوادەخات.

بەپێی رێگەی "بلومبرگ" لەكۆتا مامەڵەكانی رۆژ نرخی هەر بەرمیلێك نەوتی خاوی برێنتی جیهانی گەیشتووەتە 60.80 دۆلار، كە بەرێژەی 4% نرخەكەی بەرزبووەتەوە.

هەر بەپێی ئاژانسەكە، نرخی نەوتی پێوانەیی ئەمریكاش، كە نەوتی سوكی رۆژئاوای تەكساسی ئەو وڵاتەیە، لەكۆتا مامەڵەكان نرخی هەر بەرمیلێكی گەیشتووەتە 56.85 دۆلار، كە رێژەی بەرزبوونەوەكەی 3.5% بووە.

ئەمریكا ماوەی رابردوو رایگەیاند، بەرێژەی  10% گومرگی زیاتر دەخاتە سەر كەلوپەل‌و كاڵای چینی ئەوەش كاریگەری گەورەی لەسەر بازاڕی نەوت داناو نرخەكەی بەرێژەیەكی بەرچاو دابەزاند.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved