شارپرێس:
وەزارەتی دارایی حکومەتى هەرێمى کوردستان چوونەدەرەوە لەو كەسانە قەدەغە دەكرێت كە باجیان لەسەرە و قەرزاری حكومەتن.
وەزارەتی دارایی و ئابووریی هەرێم لە نوسراوێکدا بڕیاریداوە چوونەدەرەوەی هەرێم لەو كەسانە قەدەغە دەكرێت كە باجی زۆریان لەسەرە و قەرزداری حكومەتن.
بڕیارەکە ئاڕاستەی بەڕێوەبەرایەتییەكانی باجی دەرامەت و باجی كۆمپانیاكان و بەڕێوەبەرایەتیی گشتیی گواستنەوەی موڵكایەتی كراوە تا ئەو کەسانە دیارى بکرێن کە قەرزدارن و باجیان نەداوە.
هەروەها هاتووە"پاڵپشت بە نووسراوی وەزارەتی ناوخۆ و بەڕێوەبەرایەتیی باجەكان گەشتكردن لە قەرزدارانی باج بۆ دەرەوەی وڵات قەدەغە دەكرێت و رێكاری یاسایی بەرامبەریان دەگیرێتەبەر، كە سەرجەم باجدەر و قەرزاری حكومەت دەگرێتەوە".
س.هـ