گوگڵ خزمەتگوزاری راستكردنەوەی هەڵە رێنووسییەكان بۆ ئیمەیڵەكەی زیاد دەكات

sharpress.net

138 جار خوێندراوه‌ته‌وه

24/08/2019‌

شارپرێس:
ئەگەر پێشتر كاتێكی زۆرت دەویست تا نامەیەكت لەرێگای ئیمەیڵی گوگڵ، یاخود "Gmail" وە دەنارد بەهۆی خەریكبوون بەراستكردنەوەی هەڵە رێنووسییەكانەوە، ئەوە لەگەڵ ئەپدەیتی داهاتووی ئەو ئیمەیڵە گەلێك كاتت بۆ دەگەڕێتەوە .

بڕیارە ئەپدەیتی نوێی "Gmail" بۆ ئاماژەكردن بە هەڵە ڕێنووسییەكانی نامەی ئەلیكترۆنی پشت بە تەكنەلۆژیای زیرەكی دەستكرد ببەستێت، كە ئەگەر هاتوو هەڵەیەكی ڕێنووسی بچووكت كرد ئەوە بەشێوەیەكی خۆبەخۆ راستی دەكاتەوە .

هەرچی سەبارەت بە هەڵە رێزمانییەكانە، ئەوە "Gamil" هێڵێكی شین بەژێر دێرە هەڵەكەدا دەهێنێت.

هەرچەندە تایبەتمەندییەكە نوێ نییە ، پێشتر و لەمانگی شوباتی رابردووەوە لە فایلەكانی Google Docs لە گوگڵ درایڤ، كە تایبەتە بە هەڵگرتنی فایلە جۆربەجۆرەكان بەردەست بوو، بەڵام ئەوەی نوێیە ئەوەیە خزمەتگوزارییەكە بۆ "Gamil"یش زیاد كراوە.

"Gamil" لەهەندێك بواردا تەكنەلۆژیای زیرەكی دەستكرد بەكاردەهێنێت، وەك وەڵامدانەوەی زیرەك ، تەواوكردنی وشە ناتەواوەكان، لەكاتێكدا چاوەرێ دەكرێت بەمنزیكانە تەكنەلۆژیاكە لەراستكردنەوە زمانەوانییەكانیشدا بەكاربهێنرێت.

وەرگێران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved