شارپرێس:
كۆمەڵێك زانا، كە وێنەی "كونە ڕەشەكە"یان بڵاوكردبووەوە، رایدەگەیەنن لەئایندەیەكی نزیكدا یەكەم ڤیدیۆی وردەكاری ژیانی كونە ڕەشەكە بڵاودەكەنەوە.

بەگوێرەی پێگەی "سایك ئۆرگ"، بۆ پرۆژەكە تەلیسكۆبی زۆر زەبەلاح بەكارهێنراوە، ئەوە سەرباری كۆكردنەوەی هەموو زانیارییەكانی سەر كونەڕەشەكە و شیكردنەوەیان، بەتایبەتی كۆكردنەوەی زانیارییەكان لەسەر كونەڕەشە زەبەلاحەكان لەگەلەستێرەی M87 و  لە ناوەراستی گەلەستێرەی رێگای كاكێشان، هەروەك وابڕیارە ڤیدیۆكە ساڵی ٢٠٢٠ بخرێتەڕوو.

یەكێك لە زاناكانی تیمەكە دەڵێت: كونە ڕەشەكە وەك هەسارەكان دەسووڕێتەوە، بەڵام بەهۆی هێزە راكێشانە گەورەكەی كات و شوێنی دەوروبەری خۆی دەشێوێنێت وەك ئەوەی گەردوون خۆی بسووڕێتەوە، ئەو كاریگەرییە سەیرە یەكێكە لەبنەما پیرۆزەكان لای فیزیای گەردوونی.

Ever wondered how a movie of a black hole shadow could look like? Say no more: here are some *simulations* of SgrA*, top row are various models (non-rotating and rotating), bottom row those models blurred with the @ehtelescope resolution. Movie shows 5 hours of Earth time pic.twitter.com/2hQVzSdR8P

— 📡 Jordy Davelaar 📡 (@jordydavelaar) September 9, 2019

پێشتر زاناكا گەردوونناسەكان كونێكی رەشیان دۆزییەوە، كە قەبارەكەی سەد ئەوەندەی قەبارەی خۆر گەورە بوو.

وەرگێڕان: ئاكۆ عەبدوڵڵا ئاڵی