شارپرێس:
دایكێكی كۆری دوای ئەوەی بەهۆی كێشی زیادەوە تووشی خەمۆكی دوای منداڵبوون ببوو، نزیكەی ٤٠ كیلۆی لە كێشی دابەزاند .
بارك جی ون بەهۆی قەڵەوییەوە زۆر بەدەست هەڕەشە و سەرزەنشتەكانی هاوسەرەكەیەوە دەیناڵاند و ئازاری دەچەشت، بۆ ئەوەش لەو دەردە رزگاری ببێت بڕیاریدا پەیڕەوی سیستەمێكی خۆراكی تەندروست بكات، كە بەهۆیەوە ٤٠ كیلۆ لە كێشی دابەزاند وەك لەو وێنانەدا دیارە لەهەژماری خۆی لە "ئینستاگرام" دایبەزاندوون .
دایكەكە تەنیا لەماوەی ١٠ مانگدا بەهۆی كردنی راهێنانی وەرزشی و پەیڕەوكردنی سیستەمێكی تەدروستی خواردن وەك دووركەوتنەوە لە هەموو جۆرە ژەمە خێراكان و نا تەندرووستەكان توانی ئەنجامێكی سەرنجراكێش بەدەستبهێنێت .
بەگوێرەی پێگەی "لایف"ی روسی، لەو ماوە كەمەدا دایكە كۆرییەكە لە ٨٦ كیلۆوە كێشی بوو بە ٤٠ كیلۆگرام و دوای ئەوەش بڕیاریداوە لەهاوسەرەكەی جیاببێتەوە، كە لەو ماوەیەی بەدەست دۆخێكی دەروونی سەختدا تێدەپەڕی هیچ پاڵپشتییەكی نەكردووە و هیچ جۆرە هاوسۆزییەكی بۆ دەرنەبڕیوە بەڵكو بەپێچەوانەوە چەندین جار پێێگوتووە كە ئەو هیچ سەرنجراكێش نییە.
وەرگێران: ئاكۆ عەبدوڵلا ئاڵی