لەچوار رۆژ دا ٢٣ کەس لەخۆپیشاندانەکانى عێراق کوژراون

عیراق

08/11/2019‌ 90 جار خوێندراوه‌ته‌وه

شارپرێس:
کۆمسیۆنی باڵای مافەکانی مرۆڤی عێراقی رایدەگەیەنێت لە ماوەی چوار رۆژی رابردووى شارەکانى عێراق ٢٣ کەس کوژران.

کۆمسیۆنی باڵای مافەکانی مرۆڤی رایگەیاند، لەماوەی چوار رۆژی رابردوودا، ٢٣ خۆپیشاندەر کوژراون و نزیکەی هەزار و ٧٧ کەس لە خۆپیشاندەرەکان و هێزە ئەمنییەکانیش برینداربوونە.

ئاماژەى بەوەشکردوە، لە رۆژانی نێوان سێ تاوەکو حەوت ئەم مانگە هێزە ئەمنییەکان لە هەریەکە لە پارێزگاکانی بەغداو بەسرەو کەربەلا و زیقار ٢٠١ خۆپیشاندەریان دەستگیرکردووە کە ١٧٠ یان ئازادکردوون.

لەسەرەتای ئەم مانگەوە خۆپیشاندان لە زۆربەى شارەکانى عێراق دەستیپێکردوەو تا ئێستا زیاتر لە ١٠ هەزار کەس بریندار بریندار بوون.
س.هـ