شارپرێس:
وەزارەتى بازرگانى عێراق رایدەگەیەنێت
بریاریدانداوە کە بەشە خۆراکى مانگانەى هاوڵاتیان زیاد بکەن و ئۆتۆمبێلیش بدەن بە
بێکاران.
لە بەیاننامەیەکدا وەزارەتی بازرگانى عێراق
ئاشکراى کردوە، لەپێناو کەمکردنەوەى هەژارى و باشترکردنى دۆخى ژیانى هاوڵاتیان
بەشە خۆراکی مانگانەى هاوڵاتیان زیاد دەکەن و فڕۆمى خۆراکیش دەکەن بە کارتێکى
ئەلیکترۆنى.
ئاماژەى بەوەشکردوە، ٨٠٠ ئۆتۆمبێل لە جۆری
توێتا دەدەنە ئەو کەسانەى کە بێکارن و دۆخى ژیانیان نالەبارە، لەگەڵ ئەوەشدا ١٦١
کەس لە دامەزراوەکانى حکومەت دادەمەزرێنن و پرۆژەش بۆ گەنجان دابین دەکەن بەبێ
ئەوەى باجیان لێ وەربگرن.
نزیکەى مانگێکە خۆپیشاندان لە شارەکانى
عێراقدا دەستی پێکردوەو لەژێر فشارى خۆپیشاندەرانیشدا سەرۆک وەزیران و سەرۆکى
پەرلەمان چەندین چاکسازیان راگەیاندوە، بەلام تائێستا خۆپیشاندانەکان بەردەوامن و
حکومەتیش چاکسازییەکانى نەکردوە.
س.هـ