شارپرێس:
كۆمپانیای "ئەپڵ" خۆی ئامادە دەكات ساڵی داهاتوو مۆبایلی iPhone SE دەربكات، كە تایبەتمەندییەكانی مامناوەندن، ئەویش بەئامانجی بەرزكردنەوەی فرۆشەكانی و زیادكردنی داهاتەكەی بەتایبەت، كە بە نرخێكی كەمتر لە مۆبایلە نوێكانی دەفرۆشرێت .
بەگوێرەی شرۆڤەكاری متمانەپێكراو مینگ شی كیو، ساڵی داهاتوو كۆمپانیای ئایفۆن لانیكەم ٢٠ ملیۆن مۆبایلی iPhone SE دەردەكات و نرخەكەشی لە ٣٩٩ دۆلارەوە دەستپێدەكات .
بەگوێرەی پێگەی Apple insider ئەگەر سەبارەت بە iPhone SE بارودۆخەكە بەشێوەیەكی ئاسایی بڕواتە پێش، ئەوە پێشبینی دەكرێت ژمارەی فرۆشی مۆبایلەكە بگاتە ٣٠ ملیۆن دانە .
بەگوێرەی هەمان سەرچاوە دیزاینی ئایفۆن SE دیزاینی مۆبایلەكە هاوشێوەی ئایفۆن ٨ و هەمان تەكنەلۆژی بەكارهاتوو لە ئایفۆن ١١ ی تێدا بەكاردەهێنرێت.
بۆ بەكارهێنەرانی ئایفۆنە كۆنەكان كڕینی ئەو ئایفۆنە بژاردەیەكی باشە، بەتایبەت بۆ ئەوانەی دەیانەوێت مۆبایلەكانیان بەرزبكەنەوە بەنرخێكی زۆر كەمتر لە ئایفۆنی ١١ .
هەروەها بەگوێرەی زانیارییە دزەپێكراوەكان ئەم مۆبایلە نوێترین چیپی ئەپڵ A13ی تێدا بەكارهاتووە، كە لە ئایفۆن ١١ دا بەكارهاتووە، هەروەك رامەكەی ٣ گێگابایتییە .
وەرگێران: ئاكۆ عەبدوڵلا ئاڵی