قەبارەی زیانەكانی ئەمریكا لەموشەكبارانكردنی سەربازگەی عەین ئەسەد

لە میدیاکانەوە

17/01/2020‌ 1091 جار خوێندراوه‌ته‌وه

شارپرێس:
ئەم راپۆرتە لەلایەن رۆژنامەنووس كرمانج هۆشیارەوە ئامادەكراوەو لەئەژمارەكانی خۆی بڵاویكردووەتەوە

لە كەمپی ''عین ئەسەد'' وەك تیمی كەناڵێ BBC لەگەڵ CNN  یەكەمین دەزگا میدیاییەكان بووین، كە گەیشتینە ئێرە، راستی و درووستی لە راپۆرتێكی چەند دەقەیی باس ناكرێت، یان هەر ناشكرێت لەو راپۆرتە باس بكرێت.

دۆخەكە وەك من ئەیبنیم لەوە ئالۆزترە
لە رێ فرۆكەخانەی هەولێر لەبەشی سەربازییەكەی لەگەڵ ئەمریكییەكان بەرێ كەوتین بەرەو كەمپی عەین ئەلئەسەدی ئەنبار، لە كاتی دابەزین لەفرۆكە جەنگییەكە، نزیكەی یەك كاتژمێر راهێنانمان پێكرا: لەسەر چۆنێتی خۆ حەشاردان لەئەگەری موشەك باران كردن، جۆری خوێنمان لێوەرگیرا بۆ ئەگەری برینداربوونمان.

ئەمە سێیەم جارە من دێمە كەمپی ''عین ئەسەد'' بەڵام ئەمجارەمان لەجارەكانی تر جیاوازتر بوو، ڕوون و ئاشكرا بوو زۆر شت گۆڕاوە. لە كاتژمێر 6ی ئێوارەوە تا 6ی بەیانی دۆخی نائاسایی رادەگیندرا. بۆ هەر دەرچونێك لە ژورەكەت دەبێ درع لەبەر بكەی، دی فاكت ( شوێنی نان خورادنی سێ ژەمە) كورسییەكانی بە هەڵاوگێراوی لەسەر مێزی نان خواردنەكان دانرابوو، رێگە بە كەس نەدەدرا لەوێ نان بخۆات، دەیانویست رێگر بن لە هەر چەشنە كۆبوونەوەیەك.

جاری پێشوو هێزەكانی هاوپێمانان زۆر زیاتر بوون، فەرەنسا و بەریتانیا بۆ نموونە هێزیان هەبوو لەم كەمپە، بەڵام ئەمجارە نە بەریتانی لەوێ بوو نە فەرەنسی، بە تەنیا دانیماركی و نەرویجی و پۆلەندی لێ مابوونەوە.

شوێنی زۆر گرنگ بەر موشەك بارانی ئێران كەوتووە تەنانەت شوێنی خەوی سەربازەكان، مەبەستی ئاراستەی موشەكەكانی ئێران هێزی ئاسمانی ئەمریكا بووە، چونكە هەموو موشكەكان لە سنووری هێزی ئاسمانییەكانی داوە و هێزە زەمینییەكان كەمترین زیانیان بەركەوتووە.

ئەمریكییەكان لە ئێوارەی شەوی هێرشەكە ئاگاداری ئەوە بوون دەكرێنە ئامانج، بەڵام نەیانزانیوە جۆری هێرشەكە چۆن دەبێ، یەكێك لەسەربازەكان پێ وتین: ئێمە پێمان وابوو میلیشیا شیعەكان هێرش دەكەنە سەرمان دوای بوردومان خۆمان ئامادە كردبوو بێنە ناو كەمپەكە و رووبەرووبوونەوە رووبدات.

هێزەكانی هاوپەیمانان بەر لە چەند كاتژمێرێك دەزانن كە موشەك دێت و بەپەلە زۆربەی فڕۆكە بێ فرۆكەوانەكان و كوپتەر و هێزەكانیان ئەو شەوە لەئەسەد گواسترابوونەوە بۆ كەمپە سەربازییەكانی دیكە، دەیانزانی بە دەقیقی لە ئەسەد و هەولێر دەدرێت.

هەر موشەكێك كە ئەو شەوە لە كرماشانەوە ئاراستە كراوە ٨ خولەكی كات بردووە بۆ لێدانی ئامانجەكەی، بەڵام ئەوەی جێی تێڕامانە:
ئەمریكا هیچ سیستەمێكی دژە موشەكی نییە، نە لە ئەسەد و نە لە هەولێر، بگرە لە هیچ كەمپێكی سەربازی هاوپێمانان لە عێراق، ئەو دەنگەی شەوی هێرشەكەش لە هەولێر بیسترا، دەنگی ئاگاداركردنەوەی سەربازەكان بووە بۆ خۆ ئامادەكردنیان لەهێرشەكەو خۆ حەشار دانیان لە شوێنە تایبەتەكان، زەنگەكەش پێ دەچێ هەر ئەو كاتە لێدرابێت، كە موشكەكان ئاراستە كراون لە كرماشانەوە.

ئەو موشەكانەی بۆ هەولێر هاتوون، ئاراستەیان نەگۆراوە یان خودی ئێران وەكو ترساندنێك و هەرەشەیەك بە كاری هێناوە یاخود باش ئامانجەكەی نەپێكاوە.

من پێم وایە ئەگەری یەكەمە، چونكە لە ئەسەد زۆر بە جوانی ئامانجەكانی پێكاوە.

حەجمی بۆردومانەكە لە ئەسەد ئەوەندە بچووك نەبووە كە هیچ ئەگەری كوژرانی سەربازی ئەمریكی لە لایەن ئێرانەوە لە پێش چاو نەگیرابێت، بەڵام دەبوایە ئێران لە بەر لایەنگرەكانیان لە ناوخۆی وڵات هێرشیان بكردایە، لە ئەنجام هیچ ئەمریكییەك نەكوژرا و ئەوەش بیانووی بۆ ئەمریكا نەهێشتەوە بۆ دووبارە هێرش كردنە سەر ئێران.

ئەمریكا لە ئێستادا شەری ناوێ، ترامپ تەنیا ئەم كردەوانە بە كار دێنێ بۆ هەڵبژاردنی داهاتوو...
كوشتنی سولەیمانیش لە چوارچێوەی ئەو بانگەشانە بووە كە لە ئێستاوە بە شێوەی ناراستەخۆ دەستی پێكردووە، بەڵام شەڕ لەگەڵ ئێران دۆخەكەی لێ تێك دەدات لە هەڵبژاردنەكان، چونكە خەڵكی ئاسایی ئەمریكی دۆخی ئابووری و ئاسایشیان لە هەموو شت بۆ گرنگترە، شەڕ لەگەڵ ئێران هەردوو دۆخەكە لە ئەمریكیەكان تێك دەدا و چەكێكی باش دەبێت بۆ ركابەرەكانی لە بانگەشی هەلبژاردن دژی ترامپ، لە عێراقش ترسی ئەمریكا ئەوەندەی لە گروپە چەكدارە شیعیەكانە، ئەوەندە لە شەڕی ڕاستەوخۆی ئێران نییه، باش دەزانن ئێران شەڕی راستەوخۆی لەگەڵ ناكات و لە رێگەی حەشد شەعبی و شیعەوە هەم لەپەرلەمان و حكومەت هەم لە رێگەی ئەم هێرشە شەوانانەی كه دەكرێتە سەریان لە بەلەد و تاجی ناچاری بكات بیر لە كشانەوە بكاتەوە، وەك چۆن دوای پرۆسەی ئازادی عێراق، جیش مەهدی و گروپەكانی دیكه ئەمریكایەن نیگەران كردەبوو و دوای لە رێ پەرلەمان داوای كشانەوەی هێزەكانیان كرد و سەركەوتووش بوون.

فەرماندەی هێزی پیادەی ئەمریكی لە ئەسەد پێ وتین: عێراقییەكان ئەگەر خوازیاری دەرچوونی ئێمە بن بۆ داهاتوویان خراپە، دەقیق وایە ئەمریكا لە ئەگەری دەرچوونی لە عیراق نایەوێت ئێرانێكی دیكه زیاد ببێت بۆ ناوچەكە. بۆیە وای تێك دەدات كە بە كەس باش نەكرێتەوە.

هۆكاری بێ دەنگی ئەمریكا لەم مووشەك بارانە لەوانەیە پەیوەندی بە هەڵبژاردنەوە بێت، بەڵام ئەمە بیانوویەكی زۆر باشە بۆ ئەمریكا، بیانوویەكی بەهێز كە هەر كات بیهەوێ دەتوانێ بۆ كاری گەورەتر بەكارێ بهێنێت لە داهاتوودا. 

ئەمریكییەكان بەردەوام باس لە نەكوژران و بیرندارنەبوونی سەربازەكانیان دەكەن لەم هێرشە، بەمەش فشار بۆ وەڵامدانەوەی هێرشەكانی ئێران لەسەر خۆ كەم دەكەنەوە، بەڵام پێ دەچێ كاتی بێ ئەم قبوڵكردنە.

دوای ئێمە بە دەیان دەزگای میدیایی و راگەیاندنیان هێنایە ئەسەد، لە ڕێی دەزگاكانی ڕاگەیاندنەوە دەیانەوێ بە جیهان پیشانی بدەن ئەگەر لە داهاتوو ویستمان شتێك بكەین، ئەوە ئێرانە بەم شێوە هێرشی كردووەتە سەرمان و غەدریان لێمان كردووە، سەربازەكانیان لە كاتی وێنەگرتن دەنێرنە نێو شوێنە سوتاو و وێرانكراوەكان، دەڵێن: ئێمە بۆ شەڕی دژەی داعش هاتووین كە چی ئێران بە ئامانجی گرتوویین، هەموو ئەمانە وەك بەڵگە هەڵدەگرن بۆ كاتی خۆی. وەك چۆن لە K1 لە وڵامی كوشتنی وەڕگێرێك، 40 چەكداری حەشدیان لە قائم كوشت و بە بیانووی سوتانی دیواری دەرەوەی بالوێزخانەو ئەگەرێ هێرش كردنە سەریان، گەورەترین فەرماندەی ئێران و حەشدیان كوشت، ئەگەرچی لەبەرامبەر ئەم هێرشەی ئێران ئێستا بێدەنگن، بەڵام لە داهاتوو بێ دەنگ نابن، گەر وانەبێ چۆن خۆیان وا ستەم لێكراو پیشان دەدەا؟

چۆن سەربازیان بە زەلیلی دەهێنایە بەردەم كامیرەكەم و بە دڵتنگیەوە بڵێت: ((من خۆم حەشاردابوو و زۆر ترسابووم ئەم شوێنەی، كە موشكی بەركەوت، شوێنی خەوی من بوو و لەگەڵ خانەوادەكەم بەردەوام لێرە قسەم دەكرد، بەڵام بیبینن هیچی لێ نەما.))