شارپرێس:
ناوەندی فیدراڵی ئەڵمانی بۆ هۆشیاركردنەوەی تەندروستی هۆشداری دەدات لە مەترسییەكانی سپییكردنەوەی ددان لەكاتی سكپڕیدا بەتایبەتیش لەسێیەكی كۆتایی ماوەی سكپڕیدا .
ناوەندە ئەڵمانییەكە رایگەیاندووە، كە لەسێیەكی كۆتایی دووگیانیدا شانە و بەستەرەكان خاودەبنەوە بۆ ئەوەی جەستە بۆ لەدایكبوونی منداڵ ئامادە بێت، لەو حاڵەتەدا پووك زۆر هەستیار دەبێت.
هەروەها ماددەكانی سپییكردنەوەی ددان رەنگە ببنە هۆكاری خورانی پووك و هەوكردنی، كە مەترسییەكانی دروستبوونی منداڵبوونی پێشوەختە زیاد دەكات ( واتا منداڵ بوون پێش تەواوكردنی هەفتەی ٣٧ ی ماوەی دووگیانی )ن.
ناوەندی فیدراڵی ئەڵمانی بۆ هۆشیاركردنەوەی تەندروستی ڕێنمایی دەدات بەوەی سپییكردنەوەی ددان بۆ دوای منداڵبوون و شیرپێدان دوابخرێت، لەگەڵ رەچاوكردنی تەندروستی دەم و ددانەكان لەنێوان ئەو دوو ماوە هەستیارەدا .
وەرگێران: ئاكۆ عەبدوڵڵا ئاڵی