شارپرێس:
سیهام ماركێتی پسپۆڕی نەخۆشییەكانی شەكرە دەڵێت: خواردنەوەی نێرگزی كوڵاو، گەشەكردنی نەخۆشی شەكرە خاو دەكاتەوە و ڕێگەنادات بە ئاسسانی گەشە بكات.
ماڵپەڕی The Times Hub وتەكانی دكتۆر ماركێتی سەبارەت بەنەخۆشی شەكرە بڵاوكردووەتەوە، دەشڵێت: ڕوودانی ئەو نەخۆشییە بەهۆی ئەوەوەیە جەستە بەشی پێویست گلوكۆز نامژێت،
هەروەها دەڵێت: بەشێك، یان هەمووهۆرمۆنی ئەنسۆلین لە جەستەدا كەمدەبێتەوە، ئەگەر بەسەر ئەو حاڵەتەدا زاڵ نەبین، سەردەكێشێت بۆ چەند نەخۆشییەكی تر، وەكو: نەخۆشییەكانی مێشك و دڵ و گورچیلە.
دكتۆرەكە ئەوەش دەڵێت: خواردنەوەی نێرگزی كوڵاو یارمەتی زاڵبوون دەدات بەسەر نەخۆشی شەكرە، تەنانەت ئەگەر ڕۆژانە یەك كوپێكیش بخۆیتەوە، چونكە توێژینەوەكان سەلماندوویانە، نێرگزی كوڵاو توانائ ئەوەی هەیە ڕێژەی شەكرەی خوێن داببەزێنێت و ڕێگری لەگەشەسەندنی بكات.
وەرگێڕان: ڕەنج ڕەسوڵ