شارپرێس
وا دیارە ئەم ورزە بۆ جۆردی ئەلبا یاریزانى یانەى بەرشەلۆنەى ئیسپانى بە خۆشى تێناپەرێت و جارێکى تر توشى پێکان دەبێتەوە.
میدیاکانى ئیسپانیا بڵاویانکردەوە کە ئەلبا دوای ئەوەی بەرامبەر بە خیتافی دووچاری پێكان هاتووە ئیستا لە یاریگاکان دوورکەوتووەتەوەو چارەسەرى پێکانەکەى دەکرێت.
ئەلبا لە گێمی یەكەمی یاری بەرامبەر خیتافی دووچاری پێكان هات و یاریگای جێهێشت و دوای یارییەكەش یانەكە بەیاننامەیەكی لەسەر دۆخی ئەو یاریزانە بڵاوكردەوە.
دوای پشكنینەكان بارسێلۆنا رایگەیاند پێكانی ئەلبا لە ماسولكەی رانی دایەو بەهۆی ئەمەش ماوەیەك لە یاریكردن دوور دەكەوێتەوە.
لەئێستادا چەندین یاریزانی یانەى بەرشەلۆنە بەهۆی پێكانەوە دووركەوتونەتەوە لەنێویاندا لویس سوارێز و عوسمان دیمبلی.