شارپرێس:
عیماد باجەلان
پەرلەمانتاری پارتی دیموکراتی کوردستان لە ئەنجوومەنی نوێنەرانی عێراق ئاشکرای
کردووە کە تا ئەم ساتە هیچ جۆرە دانوستانێک لەنێوان لایەنە کوردییەکان و عەدنان
زورفی سەرۆک وەزیری راسپێردراو لەبارەی پێکهێنانی حکومەتی داهاتووی عێراق نەکراوە
.
باجەلان لەلێدوانێکدا
بەپێگەی "شەفەق نیوز"ی رایگەیاندوە، تا ئەم ساتە هیچ جۆرە گفتوگۆ و
دانوستانێک لەنێوان لایەنە کوردییەکان و تەنانەت سوننیەکانیش لەگەڵ عەدنان زورفی
سەرۆک وەزیری راسپێردراو لەبارەی پێکهێنانی کابینەی نوێی حکومەتی عێراق نەکراوە
".
پەرلەمانتارەکەی پارتی
ئاماژەی بۆ ئەوە کردووە کە لایەنە کوردی و سوننییەکان بۆ دەستپێکردنی دانوستانەکان
لەگەڵ زورفی چاوەڕێی بڕیاری سیاسی ناوماڵی شیعەکان دەکەن ، بەڵام هێشتا شیعەکان نە
لەسەر زورفی رێککەوتوون نە جێگرەوەشیان بۆ دەستنیشان کردووە .
لای خۆشییەوە فازڵ
فەتلاوی پەرلەنتاری هاوپەیمانی فەتح ئاشکرای کردووە کە لیژنە حەوت کەسییەکەی هێزە
شیعییەکان شکستیان هێناوە لەوەی شوێنگرەوەیەک بۆ زورفی بدۆزەوە .
زورفی لەرۆژی
راسپاردنییەوە ٣٠ رۆژی لەبەردەمدایە بۆئەوەی پێکهاتە و کارنامەی حکومەت تەواو بکات
و رادەستی پەرلەمانی بکات بۆ دەنگدان لەسەری، بەڵام بەهۆی ئەوەی ناوبراو لەلایەن
بەشێک لە هێزە سیاسییە شیعییە دیارەکان لەسەروویانەوە هاوپەیمانی فەتح
بەسەرۆکایەتی هادی عامری و دەوڵەتی یاسا بەسەرۆکایەتی نووری مالیکییەوە
رەتدەکرێتەوە بۆیە لەبەدیهێنانی ئەو ئەرکەیدا رووبەرووی ئاستەنگی قورس دەبێتەوە .
وەرگێڕان : ئاکۆ عەبدوڵڵا ئاڵی