شارپرێس:
وەزارەتی تەندروستیی ئێران رایگەیاند، لەماوەی ٢٤ کاتژمێری رابردوودا دوو هەزار و ٩٨٧ کەسی دیکە توشی کۆرۆنا بوون.
وتەبێژى وەزارەتی تەندروستی ئێران لە دواین ئاماریدا رایگەیاند، لەماوەى ٢٤ کاتژمێردا ١٣٩ کەسی دیکە بە کۆرۆنا گیانیان لەدەستداوە و بەوەش ژمارەى گیانلەدەستدانەکان گەیشتووەتە سێ هەزار و ٣٦ کەس.
ئاماژەى بەوەشکردوە، تا ئێستا ١٥ هەزار و ٤٧٣ کەسی توشبوو، لە پەتاکە چاکبوونەتەوە و سێ هەزار و ٨٧١ توشبووش بارى تەندروستیان جێگیرنیە.
بەپێی دواین ئامارى رێکخراوى تەندروستى جیهانى تا ئێستا زیاتر لە٨٠٠ هەزار حاڵەتی توشبوون و زیاتر لە ٤٠ هەزار گیانلەدەستدانیش تۆمارکراون.
س.هـ