شارپرێس:
مەهدی عەبدولكەریم كادیری پێشكەوتووی پارتی دیموكراتی كوردستان دەڵێت: رێكەوتنی كۆتایی و گشتگیری نێوان هەرێم و بەغدا ئامادەیە و تەنیا واژووی مستەفا كازمی سەرۆك وەزیری عێراقی ماوە .
عەبدولكەریم لەلێدوانێكدا دەشڵێت: ڕێككەوتنی نێوان هەرێم و بەغدا لە مانگی كانوونی یەكەمی رابردووەوە و ئامادەیە، بەڵام دەستپێكردنی خۆپیشاندانەكان و دەستلەكاركێشانەوەی حكومەتی پێشوو رێگری كرد لە واژووەكردنی رێكەوتنەكە.
ئەو باسی لەوەش كردووە، كە ئەو دانوستانانەی ئێستا بەڕێوەدەچن بۆ ئەوەیە جارێكی تر واژوو لەسەر رێكەوتنەكە بكرێتەوە و چارەسەری كێشەكانی بودجە و خاڵە سنوورییەكان و گومرگ و داهاتە فیدراڵییەكان و پێشمەرگە و كشتوكاڵ و دۆسییەكانی تریش بكرێت، پێشیوابووە لەماوەی چەند رۆژی داهاتوودا رێكەوتنەكە لەلایەن مستەفا كازمییەوە واژوو دەكرێت .
عەبدولكەریم روونیكردووەتەوە، كە لەماوەی چەند رۆژی داهاتوودا شاندێكی باڵای هەرێم سەردانی بەغدا دەكەن بەئەمانجی دواین چاوخشاندنەوە بە رێكەوتنەكە، ئەوە سەرباری ڕێكەوتن لەسەر تەواوكردنی كابینە وەزارییەكەی مستەفا كازمی .
ئامادەكردن: ئاكۆ عەبدوڵڵا ئاڵی