شارپرێس:
فرۆکەی B-21 ، مووشەکهاوێژی ستراتیژی نوێی ئەمەریکایە کە دەبێت بە نەوەی نوێی فرۆکەی هێزە ئاسمانییەکانی ئەمەریکا ، وابڕیارە پرۆگرامگەلێکی نوێی ئەوتۆی بۆ دەستەبەر بکرێت کە سەرجەم ئەو زانیارییە پێویستانە کۆبکاتەوە کە یارمەتیی دۆزینەوەی ئامانجەکان بدات و لەکاتی گونجاودا داتاکان بخاتە بەردەستی فرۆکەوانەکان و کارەکانیشیان بۆ ئاسان بکات .

بەرنامە ئەلیکترۆنییەکەی فرۆکەکە بەرزبوونەوە و خێرایی و کارەکانی تری فرۆکەکە بەشێوەیەکی وردتر و خێراتر دیاری دەکات و جێبەجێیان دەکات . کۆنترۆڵکردنی داتاکان و ئامانجەکانی گەشتەکە و ڕێکخستنیان بەشێوەیەکی ئۆتۆماتیکی دەبێت تاوەکو فرۆکەوانەکە بتوانێت بەخێراییەکی زیاتر بڕیارەکان بدات.

بەگوێرەی گۆڤاری "ناشیۆناڵ ئینترێست "ی ئەمەریکی ، بەرنامەی نوێی فرۆکەکە رێگەی ئاڵوگۆڕی زانیارییەکان و دۆزینەوەی ئامانجەکان و تێکشکاندنیان لەنێوان فرۆکەوانەکان بەشێوەیەکی خێراتر دەستەبەر دەکات ، لەوانە تێکشاکاندنی سیستەکانی بەرگری ئاسمانی ، کە ئەمە ئەنجامدانی هێرشەکە بە چەکە وردپێکەکان خێراتر دەکات و دەتوانێت هەموو هەڕەشە ئاسمانی و وشکانییە گریمانیەییەکان و رزگارکردنی تیمی فرۆکەکەش دیاری دەکات .

بەرنامە نوێکانی فرۆکەکە هەر پرۆسەی بڕیاردان خێراتر ناکەن ، بەڵکو راددەی کارایی چەکەکانیش زیاتر دەکەن .

گۆڤارە سەربازییەکە جەختی کرۆدتەوە کە ئەو ئەپڵیکەیشنانەی ناو فرۆکەکە کە پشت بە زیرەکی دەستکرد دەبەستن دەتوانن هەموو زانیارییەکانی پەیوەست بە پرۆسە سەربازییەکان کۆبکاتەوە و بیانبەستێتەوە بە کۆگایەکی گەورەتری زانیارییەکانەوە و شیرکردنەوەیەکی بەراوردکاریان بۆ بکات تاوەکو بڕیاری پێویست بدات و دەستەبەرکردنی زانیاریی بۆ فرۆکەوانەکە بکاتە کاری لەپێشینە .

وەرگێڕان : ئاکۆعەبدوڵڵا ئاڵی