شارپرێس:

نزیکەی ٢٣ ساڵ پیش ئێستا، رۆبەرتۆ کارلۆسی ئەستێرەی هەڵبژاردەی بەرازیل لەمیانی یارییەکی دۆستانە لەگەڵ هەڵبژاردەی فەرەنسا گۆڵێکی تۆمار کرد کە زانا فیزیاییەکان وەک ئەستەم وێنایان کردووە .

تۆپەکە کارلۆس سەرەتا بەرەو دەرەوەی یاریگا رۆیشت و دوایی سوورایەوە و خۆی بە گۆڵی هەڵبژاردەی فەڕەنسادا کرد .

دواتر کارلۆس رایگەیاند، ئەو هەوڵی نەداوە جارێکی تر بەو جۆرە شووت لێبدات ، ئەو باسی لەوە کردووە کە ئەو جۆرە گۆڵانە یەک جار لە تەمەندا روودەدەن .

لەسەر شێوازی لێدانی تۆپەکە کارلۆس ئاماژەی بۆ ئەوە کردووە کە شەقی لەبەشی "ئەلبالاف"ی تۆپەکە داوە بەوپێیەی بەهێزترین بەشی تۆپەکەیە و وادەکات بەخێراییەکی زۆر بڕوات .

کارلۆس باسی لەوە کردووە کە لافیتەیەک لەلای گۆلەکە بووە، ویستوویەتی تۆپەکە ئاراستەی پیتی دووەمی وشەیەکی نووسراوی ناوی بکات .

 

لەساڵی ٢٠١٠ ، جوار زانای فیزیا شیکردنەوەیان بۆ گۆڵەکە کرد و گوتیان کارلۆس شووتی لە لای راستی بەشی خوارەوە داوە ، تاوەکو تۆپەکە لەدووری گۆڵەکە بروات و وایلێبێت بەدەوری خۆیدا بسوڕێتەوە . لەبەر ئەو هۆکارە ناوچەیەکی پەستانێکی چری هەوای لەسەر لای راستی تۆپەکە درووست کردووە .

 

بەوەس تۆپەکە بەئاراستەی با، واتە بەئاراستەی چەپدا سووراوەتەوە و وایکردووە بەرگری هەوا کەمتر بێت لەسەری و بەئاراستەی ناوچەی پەستان کەمەکە بروات و بەر گۆڵەکە بکەوێت .

وەرگێران : ئاکۆ عەبدوڵڵا ئاڵی