شارپرێس:
هاوپەیمانی دەوڵەتی
یاسا بەسەرۆکایەتی نوری مالیکی ناوی ئەو کوتلە و هاوپەیمانیانەی ئاشکرا کردووە کە
لەگەڵ ئەوەدان هەڵبژاردنی پێشوەختە لەکاتی خۆیدا بەڕێوەبچێت، هەروەک پێشیوایە
پشتیوانیکردنی سیستانی لە خۆپیشاندەران پاڵپشتێکی گەورەی پرۆسەی چاکسازییە .
سەعد مەتڵەبی سەرکردە
لە هاوپەیمانێتی دەوڵەتی یاسا روونیکردۆتەوە کە هەموو ئەو لایەنانەی باسیان لەوە
دەکرد ناتوانرێت هەڵبژاردنی پێشوەختە لەوکاتەدا بەڕێوەبچێت کە حکومەت دیاریکردووە
لەدوای بەیاننامەکەی مەرجەعیەت بێدەنگیان هەڵبژاردووە ، کە تێیدا جەختی
لەجێگیرکردنی کاتی بەڕێوەچوونی هەڵبژاردنەکان کردەوە .
لەبەشێکی تری
قسەکانیدا ئەو سەرکردەیەی دەوڵەتی یاسا ئاماژەی بۆ ئەوە کردووە کە هاوپەیمانێتی
سائیروون و رەوتی حیکمەی نیشتیمانی و هاوپەیمانی دەوڵەتی یاسا و هاوپەیمانی فەتح
لەگەڵ ئەوەدان هەڵبژاردنی پێشوەختە لەکاتی خۆیدا بەڕێوەبچێت.
رۆژی یەکشەممەى رابردوو دوای
کۆبوونەوەی سیستانی و جینین بلاسخارت نوێنەری تایەتی نەتەوە یەکگرتووەکان لەعێراق نووسینگەی عەلی سیستانی مەرجەعی باڵای ئاینی شیعەی عێراق لەبەیاننامەیەکدا
پشتیوانی خۆی بۆ بەڕێوەچوونی هەڵبژاردنی پێشوەختە لەکاتی خۆیدا دەربڕی و داواشی
کرد پێداویستییەکانی پرۆسەکە فەراهەم بکرێت .
وەگێڕان : ئاکۆ ئاڵی