شارپرێس
بەپێی
هەواڵێکی ئاژانسی "نۆڤۆستی "ی رووسی ، وەزارەتی تەندرووستیی رووسیا
رایگەیاندووە کە ڕێگەیانداوە دوو دەرمانی
رووسی دژ بە ڤایرۆسی کۆڕۆنای نوێ لە دەرمانخانە گشتییەکانی ئەو وڵاتە بفرۆشرێت.
بەگوێرەی
رۆژنامەی "مۆسکۆ تایمز"ی رووسی ، ئەو دوو دەرمانە بریتین لە جۆرەکانی
فاڤیراڤیری درووستکراو لە روسیا کە کۆپی گشتیی دەرمانی دژە ئەنفلۆنزایە و
کۆمپانیای فوجی فیلمی یابانی پەرەیپێداوە .
تاقیکردنەوە
کلینیکییەکان دەریانخستووە کە دەرمانەکە تووشبووانی ڤایرۆسی کۆڕۆنا بەشێوەیەکی خێراتر
چاکدەکاتەوە، ئەوەش لەکاتێکدایە کە تەنیا رووسیا و هیندستان و چین ڕێگە بە
بەکارهێنانی ئەو جۆرە دەرمانە بۆ چارەسەرکردنی تووشبووانی کۆڕۆنا دەدەن .
یەکێک لەو
دەرمانە پشتپێبەستراوانە بەناوی بازرگانی" ئاریبیلیڤەر" لەرۆژی
دووشەممەی داهاتووەوە لەزۆربەی دەرمانخانەکانی رووسیا دەفرۆشریت،
جگە لەوەی پێشبینی دەکرێت دەرمانی "کۆرۆناڤیر"یش لە دەرمانخاکانی رووسیا
بفرۆشرێت .
پێشتریش
وەزارەتی تەندوروستیی رووسیا رەزامەندی لەسەر دەرمانیکی تر دابوو تاوەکو
لەچارەسەرکردنی تووشبووانی کۆڕۆنا پشتی پێببەسترێت کە ئەویش دەرمانی
"ئەڤیاڤیر"بوو ، کە بەشێکی زۆری بەرهەمهێنانی هەناردەی وڵاتانی تری وەک
بیلارووسیا و کازاخستان و وڵاتانی تر دەکرا .
وەرگێڕان
: ئاکۆ ئاڵی