شارپرێس:
بەگوێرەی رۆژنامەی
دەیلی مەیڵی بەریتانی ژمارەیەک لێکۆڵینەوەی زانستی ئاماژەیان بۆ ئەوە
کردووە کە رەنگە نیوەی دانیشتووانی زەوی
بەرگری سرووشتیان بەرانبەر بە ڤایرۆسی کۆڕۆنای نوێ ناسراو بە کۆڤید-١٩ هەبێت .
رۆژنامەکە
روونیکردۆتەوە کە ئەو لێکۆڵینەوانەی لەسەر سامپڵی کەسانی خۆبەخش لە وڵاتە
یەکگرتووەکانی ئەمەریکا کراون دەرکەوتووە کە نیوەیان خاوەنی خانە تائییە
بەرگرییەکان بوون " T-cells" ، کە پەرچەکرداری دژ بە ڤایرۆسی
کۆڕۆنایان پیشانداوە کە ئەمەش ئاماژەیە بۆئەوەی ئەو کەسە خۆبەخشانە خاوەنی
بەرگری سرووشتی دژ بە ڤایرۆسەکە بن.
لەوبارەیەوە دوکتۆر
پیتەر دۆشی بابەتێکی لە گۆڤاری پزیشکی بەریتانیدا بڵاوکردۆتەوە و ئاماژەی بۆ ئەوە
کردووە کە بەڵگەکان ئەوە دەردەخەن کە رەنگە هەندێک کەس جۆرێک لە بەرگری سرووشتیان
بەرانبەر بە ڤایرۆسی کۆڕۆنا هەبێت .
پسپۆڕان پێیان وایە
رەنگە هەندێک کەس بەهۆی تووشبوونیان بە ڤایرۆسی تری سەر بە خێزانی کۆڕۆنا بەرگریان
دژ بەو ڤایرۆسە درووستکردبێت ، کە بەهۆی لێکچوونیانەوە خانە تاییەکان دەتوانن
مامەڵە لەگەڵ جۆرە نوێکەی ڤایرۆسی کۆڕۆنادا بکەن .
وەرگێڕان : ئاکۆ ئاڵی